Na'Abba: Tsohon Shugaban Majalisa Ya Fadi Yadda Suka Shirya Taimakon Marigayin Kafin Ya Rasu
- Anyim Pius Anyim ya jajantawa iyalan tsohon kakakin Majalisar Wakilai, Ghali Umar Na'Abba
- Anyim wanda tsohon shugaban Majalisar Dattawa ne ya nuna alhininsa kan rasuwar inda ya ce ya rasu a lokacin da suke shirin taimakonshi
- Wannan na zuwa ne bayan rasuwar marigayin a jiya Laraba 27 ga watan Disamba a wani asibiti da ke Abuja
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
Jihar Kano - Tsohon shugaban Majalisar Dattawa, Anyim Pius Anyim ya bayyata kaduwarshi kan rasuwar Ghali Umar Na'Abba a Abuja.
Anyim ya ce sun kammala shirin taimakawa tsohon kakakin Majalisar Wakilai kwanaki kadan kafin rasuwarshi.
Asali: Facebook
Mene Pius Anyim ke cewa kan marigayi Na'Abba?
Ya ce da shi da tsaffin jagororin Majalisar sun yi zama a ranar 23 ga watan Disamba inda suka ce za su koma asibitin Abuja don daukar mataki.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Pius ya ce sun yi shawarar daukar nauyin Na'Abba zuwa kasr waje don samun lafiya cikin gaggawa, cewar Tribune.
Ya ce:
"Abin bakin ciki a ranar 27 ga watan Disamba mummunan labarin rasuwarshi ta yadu wanda bai bamu damar taimaka masa ba."
Wane sako Anyim Pius ya tura ga iyalan Na'Abba?
Ya kara da cewa:
"Tabbas mutuwar Ghali babban rashi ne ga al'ummar Najeriya da kasar da ma mulkin dimukradiyya a kasar."
Tsohon shugaban Majalisar ya bayyana haka ne a yau Alhamis 28 ga watan Disamba yayin mika sakon jaje ga iyalan marigayin, Newsngr ta tattaro.
Anyim a madadin tsaffin jagororin Majalisun biyu ya mika sakon ta'aziya ga iyalan marigayin da kuma kasar Najeriya baki daya.
Ghali Na'Abba ya riga mu gidan gaskiya
A wani labarin, a ranar Laraba ce 27 ga watan Disamba aka wayi gari da mummunan labarin rasuwar tsohon kakakin Majalisar Wakilai, Ghali Umar Na'Abba.
Marigayi Ghali ya rasu ne a wani asibiti da ke birnin Abuja bayan fama da jinya na tsawon lokaci.
Daga bisani an dauki gawar shi zuwa birnin Kano inda aka yi sallar jana'izarsa da misalin karfe 5:38 na yamma.
Asali: Legit.ng
