“Alamomin Zuwan Karshen Duniya”: Malamin Addini Ya Yi Hasashen Abun da Zai Faru a 2024
- Fasto Joshua Iginla, wanda ya kafa majami'ar Joshua Iginla Ministries, ya yi hasashen abun da ya ce zai faru a tsakanin 2024 da 2026
- Limamin ya koka kan sauyin yanayi, inda ya ce 'masana kimiyya za su ba mu fassarar abin da suke tunanin shine'
- Fasto Joshua Iginla ya ce abun da ubangiji ya nuna masa tabbatacce ne kuma daya daga cikin alamomin zuwan karshen duniya
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum
FCT, Abuja - Fasto Joshua Iginla na Champions Royal Assembly (Joshua Iginla Ministries), ya yi hasashen cewa tsakanin 2024 da 2026, mutane a fadin duniya za su fuskanci gagarumin sauyi a yanayin zafi da yanayi gaba daya.
Fasto Iginla, yayin wani taron coci na baya-bayan nan, ya ce koda dai yanayin zai sauya, hakan na "daya daga cikin alamomin zuwan karshen duniya".
Asali: Facebook
Iginla ya yi hasashe kan 2024
Malamin addinin ya bayyana cewa "abubuwa da dama za su faru tsakanin yanzu da 2030."
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Kalamansa:
"Tsakanin 2024 zuwa 2026, za ku ga wasu abubuwa da za su ba ku mamaki a sauyin yanayi kuma zai kasance mai karfi.
"Kimiyya za ta ba mu fassarar abin da suke tunani, amma an tsara wannan a matsayin daya daga cikin alamun karshen duniya.
“Ya kamata ku sani ba wai sambatu nake yi ba, kun san ina gani.
"Akwai wani wata da nake gani, 24, 25, 26, za ku fahimta. Akwai wani takamaiman wata da nake gani 9, 8, 11. Ku rubuta wannan rana, ku ajiye su, za ku ga wasu abubuwa.
“Abubuwa da yawa za su faru tsakanin yanzu zuwa 2030.
"Za su taba zukatanku ta yadda za ku san cewa rubutun littafi gaskiya ne.
"Kimiyya za ta fassara abin da suke so su fassara. Amma ina gaya muku; shi ne alamun tashin duniya."
Kalli hasashen malamin a kasa:
Hasashe 50 game da 2024
A wani labari makamancin wannan, mun ji cewa mani malamin addini, Apostle Chris Ajabor, ya yi hasashen cewa Peter Obi, dan takarar shugaban kasa na jam'iyyar LP a zaben 2023, zai bar Najeriya.
A hasashensa wanda ya wallafa a shafinsa na Facebook, Fasto Ajabor ya bayyana cewa Obi na shirin ficewa daga LP.
Asali: Legit.ng
