Direban da Ya Murkushe ’Yan Mata Masu Sharan Titi Har Lahira Ya Mika Wuya, an Fadi Hukuncinsa
- A daren jiya Litinin direban motar da ya murkushe ‘yan mata masu sharan titi a Legas ya mika kansa ga jami’an ‘yan sanda
- Direban ya mika kansa ne a daren jiya Litinin 14 ga watan Nuwamba ga ‘yan sanda bayan markade masu sharan a jiya Litinin 13 ga watan Nuwamba
- Wannan na zuwa bayan direban motar ‘Honda Saloon’ ya yi ajalin masu sharan titi biyu mata ‘yan gida daya a Legas a jiya Litinin
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, kwararren editan siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
Jihar Legas – A karshe, direban motar da ya murkushe ‘yan mata masu sharan titi ya mika kansa ga jam’ian ‘yan sanda.
Direban ya mika kansa ne a jiya Litinin 13 ga watan Nuwamba ga ‘yan sanda bayan markade masu sharan a jiya Litinin 13 ga watan Nuwamba.
Asali: Facebook
Mene direban ya aikata a Legas?
Legit Hausa ta ruwaito a jiya cewa direban ya yi ajalin matan ne yayin da ya ke kokarin kaucewa kamun jami’an LASTMA a jihar.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Nan take matan guda biyun wadanda ‘yan gida daya ne suka ce ga garinku a kan hanyar Gbagada a Legas.
Kakakin rundunar ‘yan sanda a Legas, SP Benjamin Hundeyin shi ya bayyana haka a yau Talata 14 ga watan Nuwamba, cewar Channels TV.
Mene ‘yan sanda suka ce a Legas?
Hundeyin ya tabbatar wa Punch cewa direban ya mika kansa a daren jiya inda ya ce za a tasa keyarshi zuwa kotu don yanke hukunci.
Ya ce:
“Direban mota kirar ‘Honda Saloon’ ya mika kansa a jiya Litinin da dare kuma za a gurfanar da shi a kotu,
“Saboda ba da gan-gan ya aikata kisan ba, ta zo ne da tsautsayi don haka zai samu sassauci a shari’ar.”
Har ila yau, Ma’aikatar Sufuri a jihar a daren jiya Litinin 13 ga watan Nuwamba ta musanta zargin akwai hannun jami’in LASTMA a kisan, cewar The Nation.
Mota ta murkushe masu sharan titi
Kun ji cewa, wani direban mota ya yi ajalin masu sharan titi a Legas a kokarin kauce wa kamun jami’an LASTMA.
Wadanda abin ya shafa ‘yan mata ne guda biyu inda aka tabbatar cewa ‘yan gida daya ne.
Asali: Legit.ng
