“Wa Ya Aike Ni”: Budurwa Ta Sharbi Kuka Wiwi a Bidiyo Bayan An Ci Kudinta a Gidan Caca
- Bayan ta rasa kudinta a dandalin caca, wata matashiya yar Najeriya ta garzaya soshiyal midiya domin nuna nadamarta
- Matashiyar ta sharbi kuka cike da dacin rai yayin da ta yi danasanin abun da ta aikata sannan ta magantu a kan yadda abun ya zame mata jiki
- Jama'a sun yi cece-kuce kan bidiyon a soshiyal midiya inda mutane da dama suka yi mata ba'a
Wata matashiyar budurwa yar Najeriya mai suna @di_vine, ta koka a soshiyal midiya bayan ta rasa kudinta a harkar caca.
A cikin wani bidiyo da ya yadu a TikTok, an gano matashiyar tana kuka yayin da take yi wa kanta fada kan shiga harkar caca da ta yi.
Asali: TikTok
Ta gargadi mutane a kan su guji harkar caca, cewa yana zamewa mutum jiki. Ta ce abun ya kusa sanya ta daukar rayuwarta.
"Bana tunanin na taba irin kukan da caca ya sa ni a rayuwata," ta rubuta a bidiyonta.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Sai dai kuma, mutane da dama ba su tausayinta ba ko kadan maimakon haka ma, sai suka dungi sukarta.
Kalli bidiyon a kasa:
Masu amfani da intanet sun yi mata ba'a
Y2J ya ce:
"Musamman idan wasa daya ya yanke shi bayan ka gama tsara yadda za ka kashe kudin."
Is_larry ya ce:
"Sai ki dunga daukar kanki bidiyo kina kuka idan bidiyon bai dauku ba fa za ki sake kuka."
Licerrrr ya ce:
"Na rasa miliyan 4 a safiyar nan. Ba zan saduda ba."
Bad Character19 ya ce:
"Na rasa kudaden da ya kamata na yi amfani da su wajen gina gida a caca...Kusan miliyan 42...A takaice....ina cikin bashin miliyan 45."
“Idan rabo ya rantse”: Matashi dan Najeriya ya buga caca da N10, ya lashe miliyan N2
A wani labari na daban, wani dan Najeriya mai suna @isthatUW a Twitter ya haddasa cece-kuce a soshiyal midiya bayan ya wallafa takardar caca da ya buga, wanda ke nuna ya ci miliyan N2.
Abun da ya ba mutane mamaki shine cewa da N10 kacal ya buga wasanni fiye da 146,000. Sa'arsa ya sa mutane yi masa tambayoyi a sashinsa na sharhi.
Asali: Legit.ng
