'Yan KAROTA Sun Yi Babban Kamu, Sun Kame Jabun Magungunan da Kudinsu Ya Kai N5om a Jihar Kano

• Hukumar KAROTA a jihar Kano ta bayyana kame wasu magunguna da tace jabu ne daga wasu da suka shigo dasu Najeriya
• Ana yawan kame masu shigo da miyagun kwayoyi a Najeriya, musamman a jihohin da suke da habakar kasuwnaci irin Kano
• Jihar Kano na da jami’an KAROTA da ke kame da kuma kula zirganiyar ababen hawa a iyakoki da ma cikin binin Kano

Jihar Kano - KAROTA, hukumar da ke kula da zirga-zirgar ababen hawa a jihar Kano ta bayyana yadda jami’anta suka yi aikin kama wasu kawo jabun magunguna a jihar.

A cewar hukumar, an kama jabun magunguna da kudinsu ya kai Naira miliyan 50 a jihar da ke Arewa maso Yammacin Najeriya.

Wannan na fitowa ne daga bakin mai magana da yawun hukumar Nabulisi Abubakar Kofar Na’isa a cikin wata sanarwar da ya fitar.

Kara karanta wannan

An Bayyana Albashin Kashim, Akpabio, Shugaban Alkalai Ya Kere Su, Bayanai Sun Fito

Yadda aka kama magungunan

Hukumar ya kuma bayyana cewa, an kama jabun magungunan ne a kan titin Murtala da ke birnin Kano, Aminiya ta tattaro.

A cewar sanarwar:

“Lokacin da direban motar yake kokarin shiga kasuwar Sabon Gari domin rabawa masu shaguna.

“Daga cikin magungunan da aka cafke sun hada da: maganin ciwon jiki, maganin zazzabi, maganin tari da sauran su.”

Matsayar KAROTA kan mabarnata

Faisal Mahmud Kabir, shugaban KAROTA ya bayyana cewa, hukumar ba za ta duba ido a maida Kano matattarar miyagun kwayoyi ba.

Ya kuma gargadi jama’a da su guji sayen magungunan da ka iya jefa su a fitina ko wata babbar matsalar da za ta iya biyo ba na rashin lafiya ba.

Hakazalika, ya ce kofar hukumar a bude take a kowane lokaci domin jin ta bakin jama’a da kuma karbar shawari kan yaki da miyagun kwayoyi da jabun magunguna a jihar baki daya.

Kara karanta wannan

Jan aiki: Sojojin Najeriya sun lalata wata matatun mai da ake aiki ba bisa ka'ida ba

Za a takaita zirga-zirga

A wani labarin, gwamnatin jihar Kano ta janye wata dokar da ta sanya kan takaita zirga-zirgar baburan adaidaita sahu a kan wasu titunan jihar.

Baffa Abba Dan'agundi, shugaban hukumar KAROTA a jihar ne ya bayyana hakan a yau Laraba 30 ga watan Nuwamba.

Ya bayyana cewa, dakatarwar ta zama dole duba da yadda 'yan adaidaita sahu suka karbi dokar da aka saka, rahoton Platinum Post.

Asali: Legit.ng