Shugaban Kasa Bola Tinubu Ya Yi Sabon Nadi Mai Muhimmanci
- Shugaban kasa Bola Tinubu ya nada Misis Mojoyinoluwa Dekalu-Thomas a matsayin shugabar hukumar NELMCO
- Nadin Dekalu-Thomas ya fara aiki nan take kuma za ta shafe tsawon shekaru biyar a kan kujerar
- Mai magana da yawun shugaban kasa, Ajuri Ngalale, ne ya bayyana haka a cikin wata sanarwa da ya saki a ranar Juma'a, 25 ga watan Agusta
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Abuja - Shugaban kasa Bola Tinubu ya amince da nadin Misis Mojoyinoluwa Dekalu-Thomas a matsayin sabuwar Manajan Darakta kuma Shugabar hukumar kula da samar da wutar lantarki ta Najeriya (NELMCO).
Asali: Facebook
Za ta shafe tsawon shekaru hudu a kan mukamin
Hakan na kunshe ne a cikin wata sanarwa da kakakin shugaban kasar, Ajuri Ngalale ya sanyawa hannu kuma fadar shugaban kasa ta wallafa a manhajar X a yammacin Juma'a, 25 ga watan Agusta.
Nadin da aka yi mata zai yi aiki na tsawon shekaru hudu.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Da farko, Dekalu-Thomas ta yi aiki a matsayin mukaddashiyar shugabar NELMCO bayan karewar wa'adin tsohon shugaban hukumar, Adebayo Fagbemi, wanda ya kare a ranar 8 ga watan Mayun 2023.
Buhari ya nada daraktan NELMCO
Aikin wucin gadi da ta yi a baya da sabon nadin da aka yi mata yasa kujerarta na baya, babbar dataktar NELMCO ta zama babu kowa.
Shugaban kasar ya kuma amince da nadin Mista Dimla Joel Nchinney don aiki a NELMCO a matsayin babban daraktan hukumar.
An kuma bayyana cewa nadin ya fara aiki nan take.
Ga wallafar a kasa:
Ministan Abuja ya karyata batun rushe gidaje 6,000 a Abuja
A wani labari na daban, ministan Babban Birnin Tarayya Abuja, Nyesom Wike, ya yi watsi da rahotannin da ke cewa zai fara aikin rusa gidaje 6000 a fadin unguwanni 30 a Abuja da kuma Wadata Plaza.
Wike ya bayyana hakan ne a wani rubutu da ya yi a shafinsa na Facebook a ranar Alhamis, 24 ga watan Agusta. Ministan ya bayyana wadannan rahotanni a matsayin karya kuma cewa babu kamshin gaskiya a cikinsu.
Ya kara da cewa, bai lissafo wasu wurare ko jerin gidajen da basa bisa ka'ida da za a cire ba a FCT, maimakon haka, ya nanata bukatar cire gidajen da basa bisa ka'ida ne a Abuja.
Asali: Legit.ng
