Fadar Shugaban Kasa Ta Yi Bayanin Dalilin Da Yasa Farashin Man Fetur Ba Zai Yi Kasa Ba
- Kakakin shugaban ƙasa, Ajuri Ngelale ya yi ƙarin haske kan dangantakar dake tsakanin matatun man fetur da farashin man fetur
- Ngelale ya yi bayanin cewa farashin man fetur ya dogara ne akan kuɗin gangar man fetur a kasuwannin duniya
- Sai dai, Ngelale ya bayyana cewa akwai amfani mai tarin yawa ga ƙasar da take da matatun man fetur masu aiki
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
FCT, Abuja - Farashin man fetur a gidajen siyar da man fetur ba zai yi ƙasa ba ko da kuwa dukkanin matatun man fetur ɗin ƙasar nan guda biyar suna aiki tare da samar da wadataccen man fetur.
Hakan na ƙunshe ne a cikin kalaman da kakakin shugaban ƙasa Bola Ahmed Tinubu, Ajuri Ngelale ya yi ne a wata tattaunawa da gidan talbijin na Television Continental a shirin su mai suna "Your View".
Source: UGC
Matatun man fetur masu yawa ba za su sanya farashin man fetur ya sauka ba
A lokacin tattaunawar wacce Legit.ng ta saurara, Ngelale ya yi fatali da batun cewa yawan matatun man fetur zai sanya farashin man fetur ya yi ƙasa, inda ya ce hakan tatsuniya ce kawai domin ba inda hakan ke faruwa a faɗin duniya.
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
A kalamansa:
"Ko da ace muna da matatun man fetur ɗin da su ke samar da man fetur ɗin da ya fi na ko ina a duniya, za ka samu cewa ƙasashen da ke samar da man fetur da matatun man fetur ɗin su...idan ka je ka ga farashin man fetur ɗin su, za ka ga babu bambanci da ƙasashen da ba su da matatun man fetur."
Kakakin shugaban ƙasar ya bayyana cewa dalilin da ya sanya farashin man fetur ba zai yi ƙasa ba ko da kuwa akwai matatun man fetur shi ne, babu wanda zai kashe biliyoyin kuɗi wajen gina matatun man fetur domin sadaka ko taimakawa al'umma, face sai domin samun riba.
Farashin Man Fetur Bai Gama Tashi Ba
A wani labarin kuma, kun ji cewa ƴan kasuwa sun hango cewa farashin man fetur bai gama tashi ba a kasuwa.
Ƴan kasuwar sun hango ƙarin tashin farashin man fetur ɗin ne a sakamakon karyewar darajar Naira a kasuwa.
Asali: Legit.ng
