Budurwa Ta Gayyaci Samarinta 3 Don Su Tayata Kwashe Kaya Zuwa Sabon Gida Ba Tare Da Sun Sani Ba

• Wata matashiya ta rubuta a twitter cewa ta yi wasa da hankalin samarinta wajen tayata kwashe kaya zuwa sabon gida ta hanyar yi masu karyan cewa yan uwanta ne
• Rubutun ya yadu kuma ya samu martani daban-daban daga sauran masu amfani da twitter
• Matashiyar bata yi bayanin yadda ta dunga soyayya da su ukun ba ko kuma sun gano cewa karya take yi masu

Rubutun da wata matashiya ta yi a twitter na yadda ta yi wa samarinta uku dabara har suka tayata kwashe kayanta zuwa sabon gida ya yadu a soshiyal midiya.

A rubutun wanda @muvatone ta yi a ranar 9 ga watan Yulin 2023,bta yi ikirarin cewa ta fada ma kowanne daga cikin masoyan nata cewa sauran yan uwanta ne daga bangaren mahaifinta.

Budurwa ta yi wasa da hankalin samarinta uku

Kara karanta wannan

Wa Zai Auro Wani? Rikita-rikita Bayan Amarya Ta Ce Dole Sai Dai Miji Ya Koma Amfani Da Sunanta

Ta kara da cewar suna ta gaishe da junansu da yin yar hira kadan-kadan a tsakaninsu, ba tare da sun san gaskiyar lamari ba.

Rubutun na twitter wanda ya samu dubban 'likes' ya haddasa cece-kuce sosai daga masu amfani da dandalin.

Wasu sun jinjina mata kan kasancewarta mai hikima, yayin da wasu suka soke ta kan rashin gaskiya da cin amana.

Wasu sun kuma tambaya ko da gaske ne rubutun inda suka yi tunanin ko wasa ne ko zolaya.

Matashiyar bata bayyana ko wani daga cikin samarin nata ya gano gaskiya ba ko yadda ta dunga fama da soyayya da mutanen uku a lokaci guda ba tare da sun sani ba.

Ga wallafar tata a kasa:

Martanin jama'a

@tiagetssocial ta ce:

"Da babban jin dadin shine ace ki sa dukkansu sun 3 su biya wadanda za su kwashe maki kaya."

Kara karanta wannan

“Dukana Take Yi”: Miji Ya Maka Matarsa a Kotu, Ya Fadi Wahalar Da Yake Sha a Hannunta

@thundacatatl ta yi martani:

"Aminiyata ta yi irin wannan ."

@nathan_oji:

"Idan har dukkansu suna samun biyan bukata."

@Ts_Dollhouse:

"Akwai dadi har sai daya daga cikinsu ya kama ta."

Budurwa ta shiga tasku bayan saurayin da ta yi wa alkawarin aure ya hana ta zuwa wajen daurin aurenta

A wani labari na daban, wata budurwa ta shiga tsaka mai wuya bayan saurayin da ta yi wa alkawarin aure ya hana ta zuwa wajen daurin aurenta.

Matashiyar wacce ta yi wa maza biyu alkawarin aure ta shirya da angonta za su wajen da za a daura masu aure lokacin da saurayin ya bayyana.

Asali: Legit.ng