Bidiyon Wasu Ma’aurata Da Suka Yi Shagalin Bikinsu Da Lemun Kwalba 2 Da Dan Karamin Kek Ya Ta Da Kura

• Wasu ma'aurata da suka yi shagalin bikinsu daidai ruwa daidai tsaki sun dauka hankalin jama'a a soshiyal midiya bayan bidiyon taron ya yadu
• A yan baya-bayan nan ana ta samun karin mutane da ke yin aurensu a saukake amma na wadannan ma'aurata ya baiwa wasu da dama mamaki
• A kan wani dan teburi da aka lullube a wajen taron, an gano lamun kwalba tare da wani dan karamin kek

Wasu ma'aurata sun tsuma zukatan mutane da dama sannan sun baiwa wasu mamaki kan yadda suka yi bikinsu a saukake.

Masoyan, wadanda ga dukkan alamu basu da wadatar aljihu, sun samu dandazon jama'a da suka halarci shagalin bikinsu.

Sabanin yadda aka saba gani a wuraren biki, amaryar ta sanya tufafinta na yau da kullun sannan ta lullube kanta da wani mayani mai gani.

Kara karanta wannan

Bidiyo: Dan Najeriya Ya Baje Kolin Janareto Mara Amfani Da Fetur, Da Hasken Rana Yake Aiki Kuma Baya Kara

A daya bangaren, angon ya sanya kwat da wani dan kyakkyali a wuyansa. Yayin da limami ya jagoranci daurin auren kamar yadda aka gani a wani bidiyo da ya yadu a TikTok.

Akwai dan karamin kek da lemun kwalba a kan teburinsu

Ma'auratan sun tsaya a gaban wani teburi da aka yi wa ado da dan karamin kek da kwalaben lemu. Daya an sha ya kai rabi.

Bidiyonsu ya ja hankalin mutane fiye da miliyan 4 da suka kalle shi. Sai dai kuma ba a tabbatar da wajen da aka yi daurin auren ba a daidai lokacin kawo wannan rahoto.

Kalli bidiyon a kasa:

Martanin jama'a kan bidiyon aure

user96681717329138 ya ce:

"Allah ya albarkace ku ya kuma daukaka ku. Allah ya sa ba za ku rasa komai ba. Ina maku addu'an soyayya da zaman lafiya a gidanku."

Kara karanta wannan

Bidiyon Yadda Amarya Ta Zubawa Ango Abinci Yayin da Take Kokarin Manna Masa ‘Kiss’ Ya Girgiza Intanet

Zandile Moyo410 ya ce:

"Allah ya albarkaci aurenku, na so wannan, ba wai zancen tara kyalkyal banza bane magana ce ta so."

Okwakoh ya ce:

"Toh yanzu yar'uwata za ki iya fada mani dalilin da ya sa har yanzu baki da aure kike yawo a gari."

zinnyb3 ta ce:

"Ah amma wa ya sha Pepsin ya kai rabi, ko daga kamfanin ne."

Susan 3070 ta ce:

"Na ga cewa babu wanda ke magana kan Pepsin da ya wuce rabi a kwalban."

Garin nuna zalama: Amarya ta yi wa ango barin abinci a jiki

A wani labari na daban, wata amarya ta yi wa angonta wankan abinci yayin da take kokarin burge mutane a wajen shagalin bikinsu.

Amaryar dai ta dare kan cinyar ango da nufin manna masa ‘kiss’ amma sai aka yi rashin dace abincin hannunta ya kife masa a riga.

Asali: Legit.ng