Ajiya Maganin Watarana: Dan Najeriya Na Neman Fitilar Zaman Da, Zan Saya a Kan Kudi N11.5m

• Wani dan Najeriya ya ce yana neman wata tsohuwar fitilar gas da yace idan ya samu zai saya a kan kudi Naira miliyan 11.5
• Musamman, mutumin ya nuna wata tsohuwar fitilar gas 'yar kasar Jamus da aka yi yayinta a shekara ta 1875 kuma ya nemi wadanda suke da ita su tuntube shi.
• Yayin da wasu suka ce suna da irin wannan fitilar a gida, wasu kuma sun ce farashin da zai saya ya yi nisa da gaskiya

Wani mutumin da ke sayen tsofaffin kayayyaki ya ce yana neman wata tsohuwar fitilar 'yar Jamus da aka yi yayinta sama da shekaru 150 da suka shude.

Ya daura wani bidiyo a kafar TikTok yana nuna wata takamaiman fitilar gas da yake nema, kuma ya ce zai ba da $25,000 ga duk wanda ke da ita.

Kara karanta wannan

Binciken masana: Yin wayan sama da mintuna 30 a mako na na mutum ya kamu da hawan jini

Saukakan canjin $25,000 zuwa Naira zai kai Naira miliyan 11.5, kuma wannan shine farashin da mutumin yake son da duk wanda ya kawo masa wannan nau'i na filatar kakanni.

Duk da yake irin wannan adadin kudi da yace zai bayar kamar zai zama kunne ya girmi kaka wajen sayen fitila tsohuwa, da alama fitilar na iya zama da wuya ma a same ta.

Fitilar shekaru kusan 150 za ta yi daraja

An yi fitilar da ya nuna hannunsa a kasar Jamus a shekara ta 1875, kuma a cewar mutumin, wacce yake nema dole ne ta ke mannewa da sauran arafa, kamar dai kuran karfe.

Sai dai, wasu mutane a kafar TikTok sun ce suna da irin wannan fitilar duk da cewa an yi ta sama da shekaru 150 da suka shude kuma har kuma ana amfani da ita a gidaje da yawa har yanzu.

Kara karanta wannan

Bidiyon Uba Goye Da Dansa Da Tsakar Dare Ya Yadu, Ya Ce Baya Barinsa Ya Yi Bacci

Wasu sun yi shakkar gaskiyar jingar mutumin, duk da cewa bayanansa a skafinsa na TikTok, @olakanmiegolddeni ya nuna yana sayen tsofaffin kayayyaki ne da aka daina amfani dasu tun tuni.

Kalli bidiyon:

Martanin jama'a

@bees honey:

"Ina da ita a nan Uganda. Meye zan yi?"

@tolujoshua708:

"Kun fara ko a haka muka tafi neman talabijin mai kaunin baki da fari."

@user162130172472samo:

"Shekaru 148 tun 1875."

@Engineer Clinton:

"Ina nan a Uganda kuma ina da ita."

@chelsea fun:

"Mai mikiya...1970 d...mai daukar kuran karfe. an buga ta Jamus, ina fatan ita ce."

Wani dan Najeriya kuwa, tsohuwar motarsa ya fitar, inda ya bayyana adadin kudin da zai siyar da ita idan har ya samu mai siya.

Asali: Legit.ng