‘Zama Uwa Babu Sauki’: Wata Uwa Ta Sha Wahala, Ta Ce Zama Uwa Ba Aiki Ne Mai Sauki Ba

• Wata uwa ta bayyana cewa, ba aiki ne mai sauki ba kasancewarta uwa sabanin abin da ake fada a kafafen sada zumunta
• Matar ta yada wani bidiyo a kafar sada zumunta, inda ta nuna yadda take goyon ‘ya’yanta tagwaye a lokaci daya
• Mutane da yawa sun yi ta cece-kuce kan yadda matar ta shiga yanayi, inda wasu ke cewa su suna fatan Allah ya basu ‘yan uku

An yi ta cece-kuce a kafar sada zumunta a lokacin da wata mata ta yada bidiyon cewa, aikin kasancewa uwa ba karamin aiki ne mai sauki ba.

A cikin bidiyon da ta yada a TikTok, matar mai suna @trishaitua a kafar ta ce, mata su daina yaudaruwa da cewa aikin reno na uwa abu ne mai sauki.

A cewarta, yanzu haka tana da jarirai guda biyu tagwaye, kamar yadda aka ga tana goye dasu a cikin bidiyon da ta yada.

Kara karanta wannan

“Soyayya Bata Tsufa”: Tsohuwa Mai Dogara Sanda Ta Amarce Da Sahibinta, Bidiyon Ya Yadu

Goyon jarirai biyu a lokaci daya

Abin da ya ja hankalin jama’a, an ga lokacin da matar ke goye da ‘ya’yanta tagwaye guda biyu a baya kana tana aikin madafa.

A bayyane yake cewa tagwayen a bata wahala, wanda alamu suka nuna shine dalilin da yasa ta goye su lokaci daya.

Wannan yasa ta ayyana cewa, zama uwa da reno ba aiki ne mai sauki ba, a daina yada saukinsa a kafar sada zumunta ‘yan mata na yaudaruwa.

Ayyanawarta ya sanya mutane da yawa a kafar TikTok yin martani mai daukar hankali tare da bayyana ra’ayoyinsu.

Wasu sun ce ta yi gaskiya, wasu kuwa suka ce sam bata gane bane, wasu kuma suka ce suna bukatar Allah ya basu ‘yan uku.

Kalli bidiyon:

Martanin jama’a

@Official_kktwins:

"Har yanzu ina son ‘yan uku.”

@giftpual295:

"Ya Allah, ina rokon wannan albarkar da sunan Annabi Isa, Amen.”

Kara karanta wannan

“Ta Gaji Da Auren Tun Ba a Kai Koina ba” Bidiyon Amarya Tana Kicin-Kicin Da Rai Yayin da Take Jerawa Da Angonta Ya Yadu

@ensamabbsbeautyplace:

"Babu sauki fa, na taba shiga irin yanayin nan. Allah ya ja ran tagwaye.”

@Wisy J. Johnson:

"Kai, Allah ya kare wadannan yaran...kin ba ni sha’awar naje na yi aure kawai.”

@priscillanartey88:

"Allah ya ba ki babban kyauta.”

Duk dai dadin haihuwa, wata mata kuwa daukar jaririyarta ta yi mai watanni 18 kacal ka siyar da ita saboda cin bashin banki da ta yi.

Asali: Legit.ng