Kamar Almara: Bidiyon Sauyawar Wani Mutumi Da Ya Yadu Ya Girgiza Intanet

• Wani mutumi ya haddasa cece-kuce a TikTok saboda wani bidiyo da ya wallafa na sauyawarsa a dandalin
• A bidiyon, mutumin ya nunawa mutane yadda kamanninsa yake shekaru biyar da suka gabata da kuma yadda yake a yanzu
• Jim kadan bayan ya wallafa bidiyon mai tsawon sakanni 26, sai mutane suka fara magana, wasu ma na shakku a kan ko da gaske shi din ne

Wani mutumi da ya wallafa bidiyon sauyawarsa a TikTok ya yi fice kuma ya haddasa cece-kuce a dandalin.

Bayan ganin bidiyon wanda @trickyfreshy ya wallafa, wasu masu amfani da TikTok sun gaza yarda da mutumin duba ga yadda ya sauya ya yi haske a sabbin hotunansa idan aka kwatanta da tsoffin.

Shakka babu, manufar mutumin shine nuna yadda jikinsa ya sauya cikin shekaru biyar da suka gabata.

Kara karanta wannan

"Bamu Ba Kai": Mutumin Da Ya Tsere Ya Bar Matarsa Da Da Tsawon Shekaru 33 Ya Dawo, Ya Nemi Wani Kason Gidansu

Bidiyon sauyawar wani mutum ya yadu a TikTok

Sai dai kuma ya sauya sosai ta yadda mabiyansa da dama a TikTok suka garzaya sashin sharhi don tambayarsa yadda aka yi ya cimma wannan sabon kamanni nasa.

A tsohon hoton, mutumin na dauke da fuska irin na kauraye da yanayin jikinsa da ya yi kama da tsoho, sai dai kuma, ya sauya a sabbin hotunan.

Yanzu ya koma matashi shar da shi ga fatar jikinsa tana sheki wanda gaba daya ya banbanta da yanayinsa na shekaru biyar da suka gabata.

Kalli bidiyon a kasa:

Jama'a sun yi martani

@jemi maator ta ce:

"Wanene kuma yake tunanin karya ne."

@celdakayembe ya ce:

"Yaya kake amafani da karya ba tare da yin kasa a gwiwa ba."

@tonyalain ta yi martani:

"Da gaske?"

@nehi ya ce:

Kara karanta wannan

Magidancin Da Aka Zarga Da Auren Karamar Yarinya Ya Yi Karin Haske, Ya Ce An Gina Auren Ne Kan Soyayyar Juna

"Wannan dan karamin wasan, ka je ka kara da asiri."

@user5693376122293 ya ce:

"Wato kudin ya rage bakin da shekarun?"

@roseu ta ce:

"Karya ne dan Allah! Dogon baki baya tafiya haka."

@rita_uche ta ce:

"Bana tunanin wannan sauyi ne, almara ne."

@beckyodero ya ce:

"Wani abun al'ajabi ne ya faru da fuskarka?"

@giftjames ya ce:

"Ban gane ba."

Budurwa ta koka saboda rashin mashinshini, tana neman mafita

A wani labari na daban, wata matashiya budurwa ta garzaya intanet domin kokawa a kan rashin samun saurayin da zai furta mata soyayya duk da cewar shekarunta 20 a duniya.

Asali: Legit.ng