CBN Ya Maida Martani Kan Rahoton Da ke Yawo Na Dakatar da Opay da Palmpay
- CBN ya maida martani kan labarin da ke yawo a midiya wanda ya yi ikirarin ya dakatar da ayyukan bankunan Intanet 2, Opay da Palmpay
- OPAY da PALMPAY suna cikin bankunan da babban bankin Najeriya ya baiwa lasisin aikin hada-hadar kuɗi ta Intanet
- Shugabannin kamfanonin kuɗin guda biyu sun yi tsokaci kan labarin da ke yawo na dakatar da ayyukansu a Najeriya
Abuja - Babban bankin ƙasa (CBN) ya yi fatali da rahoton da ke cewa ya dakatar da ayyukan bankunan zamani na intanet, OPAY da PALMPAY, bayan gano suna da hannu a aikata damfara.
Premium Times ta rahoto cewa muƙaddashin kakakin CBN, Isah Abdulmumin, ya ce labarin karya ne kuma ya kamata 'yan Najeriya su yi watsi da shi.
Asali: Getty Images
Daga ina rahoton ya samo asali?
A wata sanarwa da ta yaɗu a soshiyal midiya wacce aka jingina wa Abdulmumin, ta yi ikirarin cewa CBN ya gama shirin dakatar da ayyukan Kamfanonin hada-hadar kuɗin gudana biyu.
DUBA: Bibiyemu a Instagram don samun labarai masu muhimmanci kai tsaye cikin manhajar
"Idan kasan kana amfani da manhajar OPAY, PALMPAY ko wasu daga cikin manhajojin China ko POS ɗinsu, ka daina zuba kuɗi da yawa a asusu ko ka daina amfani da su."
"CBN na gab da dakatar da ayyukan su saboda an gano cewa ana amfani da irin waɗannan Manhajojin wajen aikata damfara," inji Sanarwan.
Opay da Palmpay sun maida martani kan rahoton
Yayin martani kan rahoton, OPAY da Palmpay, sun yi falati da zancen inda suka bayyana cewa suna gudanar da ayyukansu bisa dokoki da ƙa'idojin CBN.
Opay ya yi bayani cewa labarin dake yawo cewa CBN zai dakatar aikinsa ba gaskiya bane kuma zai sauya akalar mutane.
Haka zalika, Palmpay, ya bukaci ɗaukacin yan Najeriya da su yi watsi da wannan labarin da aka kirkira domin batar da tunaninsu.
OPAY da PALMPAY na cikin kamfononin hada-hadar kudi da ake kira da bankunan Intanet, waɗanda ke taimakawa mutane wurin biyan Bill da sauran mu'amalar da ta shafi kudi.
Bankuna Sun Bi Umarnin CBN Na Fitowa Aiki a Karshen Mako
A wani labarin kuma Bankuna sun fito aiki a ranakun karshen mako bayan umarnin babban bankin CBN
Sakamakon barazanar mamaye rassan CBN a jihohin Najeriya, babban bankin ya umarci bankunan kasuwanci su fito ranar Asabar da Lahadi su baiwa mutane kuɗi.
Asali: Legit.ng
