INEC Ta Sanar da Sakamakon Zaben Gwamnan Zamfara, Dauda Lawal Ne Ya Lashe

INEC Ta Sanar da Sakamakon Zaben Gwamnan Zamfara, Dauda Lawal Ne Ya Lashe

Dauda Lawal, dan takarar gwamna a jam'iyyar PDP ne ya lashe zaben gwamnan da aka yi a jihar Zamfara a makon nan, inda ya tumbuke gwamna mai ci, Bello Matawalle na APC.

Baturen zabe na INEC a Zamfara, Farfesa Kasimu Shehu ne ya bayyana cewa, Dauda ya samu kuri'u 377,726 inda gwamnan kuma ya samu kuri'u 311,976, Daily Trust ta ruwaito.

Idan baku manta ba, an samu cece-kuce da rikici a lokacin da ake tattara sakamakon zaben gwamnan jihar, lamarin da ya kai ga sace wasu jami'an INEC biyu.

Sakamakon zaben gwamna ya fara fitowa daga jihar Zamfara da ke Arewa maso Yammacin Najeriya.

Sakamakon zaben ya nuna cewa, Dauda Lawal ya lashe Zaben ne daga kananan hukumomi 10, inda Matawalle ya samu kuri'unsa mafi yawa daga kananan hukumomi biyu kacal.

PDP ta zargi APC da daukar dumi a Zamfara

A bangare guda, wani rahoton jaridar SaharaReporters na cewa, jam'iyyar PDP ta zargi ta APC da kokarin yiwa jami'an zabe barazana a wasu kananan hukumomin jihar.

A cewar PDP, dukkan sakamakon zaben da aka daura a kafar yanar gizo sun nuna PDP ce ya yiwa APC cin kaca.

Wannan zargi na PDP dai na fitowa ne daga wata sanarwar da aka yi a Gusau a ofishin hadimin dan takarar gwamnan jam'iyyar.

Ya bayyana cewa, alamu sun nuna gwamnatin jihar mai ci bata ji dadin yadda sakamakon zaben ke fitowa da nasarar PDP ba.

Za a ci gaba da tattara sakamakon zabe

Bayan dakatar da tattara sakamakon zaben jihar Zamfara a daren jiya Lahadi 19 ga watan Maris, a yau ne za a ci gaba da kawo sakamakon daga kananan hukumomin jihar.

A jiya, an kawo sakamakon kananan hukumomi uku; Zurmi, Anka da Bukuyum, inda yau ake tsammanin kawo sauran 11 da suka rage cikin 14 na jihar.

Sauran kananan hukumomin da suka rage sune; Gusau, Tsafe, Bungudu, Maru, Bakura, Talata Mafara, Maradun, Gumi, Kaura-Namoda, Birnin Magaji da Shinkafi.

Sakamakon zaben gwamna daga kananan hukumomi 14 na jihar Zamfara

1. Karamar hukumar Birnin-Magaji

APC - 9,643

PDP - 8,991

2. Karamar hukumar Maradun

APC - 24,855

PDP - 12,261

3. Karamar hukumar Maru

APC - 10,646

PDP - 22,036

4. Karamar hukumar Gusau

APC - 32,172

PDP - 64,710

5. Karamar hukumar Kaura-Namoda

APC: 26,472

PDP: 31,236

6. Karamar hukumar Shinkafi

APC: 13,408

PDP: 13, 435

7. Karamar hukumar Tsafe

APC - 25,805

PDP - 42,188

8. Karamar hukumar Bakura

APC - 41,063

PDP - 19,455

9. Karamar hukumar Talata-Mafara

APC - 41,280

PDP - 22,236

10. Karamar hukumar Bungudu

APC - 24,865

PDP- 47,464

11. Karamar hukumar Gummi

APC - 20,263

PDP - 27,929

12. Karamar hukumar Anka

APC - 10,156

PDP - 17,116

13. Karamar hukumar Bukuyum

APC - 10,321

PDP - 24,341

14. Karamar hukumar Zurmi

APC - 21,027

PDP - 24,328

Authors:
Salisu Ibrahim avatar

Salisu Ibrahim (Head of Hausa Desk) Salisu holds BSc in IT (IOU, 2021) and is AfricaCheck's ambassador. He brings over five years of experience in writing, publishing and management. Trained by prestigious newspapers like Reuters, AFP, and Solutions Journalism Network, he curates news stories for the Hausa-speaking audience. He rose from Hausa Editor to Head of Desk at Legit. His commitment to excellence has earned him recognition, including the 2021 Best Hausa Editor award and the Legit Fearless Team Player of the Year 2023.

Online view pixel