Akwai Banbanci Sosai: Budurwa Ta Saki Bidiyon Yadda Ta Sauya Cikin Watanni 3 Da Komawarta UK

• Wata mutuniyar kasar Ghana ta wallafa wani bidiyo a TikTok inda ta baje kolin sauyawar da ta yi bayan ta shafe watanni uku a kasar Birtaniya
• A wani bidiyo da ta wallafa a shafinta, ta kuma bayyana yadda kamanninta suke a da bayan shafe shekaru 25 a Ghana
• A cewarta, komawarta Turai shawara ce mai kyau kuma tana farin ciki da komawa sabon wuri da zama

Wata matashiyar budurwa mai suna @afrapapabi a TikTok ta wallafa wani hadadden bidiyo na sauyawar da ta yi bayan ta koma kasar Birtaniya da zama.

A wani bidiyo da ke yawo a soshiyal midiya, ta kwatanta sauyawar da ta yi da kuma yadda kamanninta suke a baya bayan ta shafe tsawon shekaru 25 a kasar Ghana.

A cewarta, sauyawar da ta yi ya faru ne a cikin watanni uku bayan ta yanke shawarar komawa UK.

Kara karanta wannan

Rai Bakon Duniya: DPO ya Yanke Jiki Ya Fadi a Ofishinsa, Ta Rasu a Take

Da take wallafa bidiyon, ta bayyana cewa duk wanda ya ce zuwa Turai babu dadi toh ba gaskiya yake fadi ba.

Ta rubuta:

"Wa ya ce Turai bai yi ba? shekaru 25 a Ghana da watanni 3 a UK."

Jama'a sun yi martani

@Bellz ta yo martani:

"Tun dama chan ke mai kyau ce, banbancin kawai kamarar ce."

@Usher Raymond Dawson ya yi martani:

"Ban san ki ba amma wannan shine abu mafi kyau da za ki yi. Kada ki yi mafarkin dawowa nan. Addo na gasa yan maza."

@Thessy ta rubuta:

"Hatta iskan UK na iya sauya kamannin mutum gaba daya."

@Esinam ta ce:

"Yarinya irin sauyin da nake magana a kai kenan. Mashaa Allah. Kada ki yi mafarkin dawowa nan dan Allah."

@Amon Treasure Jahday ta kara a da cewar:

"Idan kana bukatar karamar yarinya don taimakawa da aikin gida ina nan zan tura takarda a lokaci daya."

Kara karanta wannan

Dan Najeriya Ya Kera Motar Wasan Tsere Da Hannunsa, Ya Tuka Ta a Hanyar Edo, Bidiyon Ya Yadu

Yan Najeriya sun cika da mamaki bayan ganin mai kama da Shugaba Buhari yana yawo

A wani labari na daban, jama'a sun cika da mamaki bayan cin karo da wani mai kama da Shugaban kasa Muhammadu Buhari yana tafiya a kan titi.

Mutumin wanda jama'a suka kewaye ya dungi karfafawa matasan Najeriya gwiwa kan cewa sune yara manyan gobe.

Asali: Legit.ng