Taraba: Mata Sun ce Ba Za a Barsu a Baya Ba, Sun Shiga Farautar 'Yan Bindiga
- A halin yanzu, mata mafarauta suna ta tururuwar hada kai da 'yan uwansu mafarauta maza don yakar 'yan bindiga a jihar Taraba
- Bincike ya bayyana yadda matan aure da 'yan mata da dama suka shiga kungiyar mafarautan don bada tasu gudunmawar wajen yakar 'yan bindiga
- Shugabar kungiyar ta bayyana manyan dalilan da yasa suka yi hobbasa duba da yadda 'yan bindiga suka halaka musu mazaje, sacewa da bata mata
Taraba - Mata mafarauta sun hada kai da 'yan uwansu maza don yakar 'yan bindiga a jihar Taraba.
Bincike ya bayyana yadda matan aure da 'yan mata da dama a yanzu suka shiga kungiyar mafarauta, wadanda ke bada gudunmawa wajen yakar 'yan bindiga a fadin kasar.
Asali: UGC
Wata mafarauciya, Hauwa Lawal, ta bayyanawa City & Crime yadda suka shiga kungiyar mafarauta don taimakawa wajen yaki da ayyukan 'yan bindiga a jihar.
A cewarta, 'yan bindiga sun halaka mutane da dama duk da mazajensu da yara a yankuna da dama na jihar, yayin da aka yi garkuwa da yara mata da matan aure da aka sace gami da yi musu fyade a yankin Karim zuwa Lamido, Gassol da karamar hukumar Bali.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
A cewarta, miyagun ayyukan da 'yan bindiga sukewa mata ne ya tilasta mata da dama shiga kungiyar mafarautan don yaki da 'yan bindiga a cikin jihar.
Karfafawa gami da kokarin mata don yaki da 'yan bindiga ne yayi sanadiyyar rantsar da Habiba Isa a matsayin shugabar mafarauta mata na yankun Arewa masi gabas.
Shugabar matan jin kadan bayan rantsar da ita da shugaban kungiyar mafarauta na kasa, Umar Muhammad Tola yayi, a Zing ta ce, a yanzu an san da zaman mafarauta mata a kungiyar da maza ne suka fi yawa.
Ta ce mafarauta mata suna da jarumta da shirin taimakawa wajen yakar 'yan bindiga, inda ta kara da cewa, mafarauta mata suna taka babbar rawa wajen yaki da Boko-Haram a baya da kuma yanzu.
"Mun gaji farauta daga kaka da kakanninmu yayin da mata da yawa suka shiga kungiyar mafarautan a matsayin gudunmawarsu don tseratar da anguwanninmu da kauyukanmu daga ayyukan 'yan bindiga."
- A cewarta.
'Yan ta'adda sun kai farmaki kudancin Kaduna, sun sheke 28
A wani labari na daban, wasu miyagun 'yan bindiga sun kai farmaki yankin kudancin Kaduna a karamar hukumar Kaura ta Kaduna.
Sun halaka mutane da yawa a garuruwan Malagum 1 da Sokwong.
Asali: Legit.ng
