Kungiyar Miyetti Allah Ta Fulani Ta Marawa Tinubu/Shettima Baya A Zaben 2023

• A satin nan ne kungiyar kiristocin Nigeria ta CAN ta Gayyaci Dan Takarar Jam'iyyar APC domin Tattaunawa da shi
• Har Yanzu dai kungiyoyi dabam-dabam na marawa wanda suke ganin zai iya share musu hawayensu idan yaci zaben Shugaban kasa
• Ana hada taruka dai da dama dan jin irinmanufofin da kowanne dan takara ya tanadarwa al'ummarsa musamman ma ya kai ga gaci

Abuja: Kungiyar kare muradun Makiyaya Miyetti Allah ta ce dan takarar shugaban kasa na jam’iyyar APC, Bola Tinubu, ya yi alkawarin magance matsalar da ke tattare da shirin kula da dabbobi da kuma dawo da “hanyoyin kiwo 450 a fadin kasar nan”. Sakataren kungiyar Miyetti Allah, Saleh Alhassan, ne ya bayyana hakan a wata hira da ya yi da jaridar PUNCH ranar Asabar .

Kara karanta wannan

Dan Kwallon Arsenal Bukayo Saka Ya Ceci Rayuwar Yara 120 A Jihar Kano

Ya ce an bullo da shirin shiga tsakani na Dabbobi ne shekaru biyu bayan dakatar da shirin da ake yi na kiwo a karkara, wanda aka fi sani da RUGA.

A cewar gwamnatin tarayya, manufarta da dai sauransu, ita ce ta magance rikicin manoma da makiyaya a fadin kasar nan. Jihohin kudancin kasar nan dama dai sun yi kira da a yi dokar kiwo, inda suka ce tunda kiwo sana’a ce ta zaman kanta, ya kamata makiyaya su sayi filaye su yi kiwon shanunsu, inda suka ce matakin zai kawo karshen rikicin makiyaya da manoma. Alhassan, wanda tun da farko kungiyarsa ta amince da tikitin Tinubu/Shettima, ya bayyana cewa gwamnatin Tinubu za ta kare muradun Fulani makiyaya.

Ya ce,

“Mun amince da Tinubu a matsayin dan takarar shugaban kasa. Hakan dai ya samo asali ne daga takardar da dan takarar jam’iyyar APC ya aike mana. Mun gamsu da yadda yan takarar APC Tinubu/Shettima. suka dubi bukatunmu dan haka mun amince da takarar su"

Kara karanta wannan

Jerin Bukatu 7 Da CAN Ta Gabatarwa Tinubu: Bukatu 2 Da Zai Yiwa Tinubu Wahalan Biya

“Tinubu ya ba mu kudurin tabbatar da aiwatar da shirin raya kiwo na kasa na gwamnatin shugaban kasa Muhammadu Buhari mai ci, inda za su tabbatar da zamanantar da sashen kiwon dabbobi da kuma magance matsalar satar shanu da sace-sacen mutane da rikicin manoma da makiyaya

“Za mu sami karin wuraren kiwo da wuraren kiwo a fadin kasar nan da kuma zaman dirshan na makiyayan. Wannan shi ne abin da muke nema da yan takarar shugaban kasa suyi Tinubu/Shettima.

“Hanyoyin kiwo guda 450, wadanda akasarinsu suna nan a Arewa su ne wuraren da duk sune wurare ne da aka tanadar wa makiyaya don yin sana’arsu na kiwon shanu.

“Idan mutum yana son fara kowane irin salon zamani, yakamata Najeriya ta fara daga hanyoyin kiwo da aka kebe domin kiwo a jamhuriya ta farko. Wannan shi ne abin da Tinubu ya yi alkawarin magancewa.

Miyetti Allah na shirin shirya Jin ta Bakin Atiku, Tinubu, Obi

Kara karanta wannan

Atiku Ya Bayyana Muhimmin Abunda Gwamnatinsa Zata Maida Hankali Bayan Lashe Zaben 2023

Kungiyar Miyetti Allah za ta yi taro domin tantance jam’iyyar siyasa da dan takarar da zai amince da kundirinsu dan mara masa baya a zaben shugaban kasa na 2023, in ji Sakataren kungiyar, Usman Ngerzema.

Sakataren na MACBAN yana mayar da martani ne ga tambayoyin da jaridar PUNCH ta yi ranar Asabar a kan wacce jam’iyya za ta amince da ita bayan amincewar shugaban kasa, Manjo-Janar Muhammadu Buhari (mai ritaya), a zabukan da suka gabata.

Ya ce,

“Kun san MACBAN hadaddiyar kungiyoyin masu ruwa da tsaki ne. Muna da APC, PDP, NNPP, ANPP da sauransu. . Ba a yanke wannan shawara ba. A karo na karshe, shi ne shawarar da majalisa ta yanke, na amince da Buhari a lokacin.

Asali: Legit.ng