Yadda Yaron Shago Ya Lashe miliyan N16 a Caca a Kasuwar Alaba, Ubangidansa Ya ce Sai Ya Bashi Rabin Kudin

• Wani matashi dan Najeriya ya taki sa'a a kasuwar Alaba da ke jihar Lagas inda ya lashe kudi naira miliyan 16 a caca
• Sai dai yaron ya hadu da cikas domin ubangidansa y ace sai dai su yi raba daidai kowannensu ya kwashi miliyan N8
• Masu amfani da soshiyal midiya sun tofa albarkacin bakunansu yayin da mutane suka bayyana abun da za su yi da sune a matsayin matashin

Lagos - Wani yaron shago a kasuwar Alaba da ke jiharf Lagas ya taki babban sa’a yayin da ya lashe zunzurutun kudi naira miliyan 16 a caca.

A cewar @oku_yungx wanda ya wallafa labarin a Twitter, ya ce ubangidan yaron ya nemi ya bashi rabin kudin da ya lashe.

Kara karanta wannan

Yadda Aka Yi Rabon Biredi A Wajen Wani Kasaitaccen Biki Na Gani Na Fada, Bidiyon Ya Ja Hankali

Mutumin ya bayyana cewa ubangidan ya yi nasara kan yaron domin mutanen kasuwar sun shawo kan yaron a kan ya aikata hakan.

“Wato wannan yaron da ke koyon aiki karkashin ubangidansa a kasuwar Alaba ya lashe naira miliyan 16 a caca kuma ubangidansa ya nemi ya raba kudin gida biyu. Wato ubangidan ya dauki naira miliyan 8.

“Na ji cewa mutanen kasuwar sun goyi bayan ubangidan nasa don haka dole ya bi.”

An yi cece-kuce kan yadda lamarin ya kare.

Kalli wallafar a kasa:

Jaa'a sun yi martani

@UnrepentantJ ya ce:

“Ya gode abun ya faru ne a wajen Onitsha lol da ba zai ga ko kwabo ba ubangidan ne zai karbe komai.”

@Ahoysealord ya ce:

“Ina fatan idan lokaci yayi da ubangidan nasa zai sallame shi, ba za a ji tatsuniya ba.”

Kara karanta wannan

Yadda Matar Aure Ta Zama Mai Aikin Goge-goge Don Tura Mijinta Makaranta A Kasar Waje, Bidiyon Ya Yadu

@DaCypher ya ce:

“Yawancin mutanen da ke cewa sun yarda, ubangidansa ya yi daidai, da ubangidan ya sani ya karbi dukka, kaza da kaza..na tabbata da sune a matsayin yaron. Da guduwa za su yi da naira miliyan 16 gaba daya.”

Matashi Ya Garzaya Masallaci Bayan Ya Lashe miliyan N38 A Caca Da Ya Buga Da N800, Bidiyon Ya Yadu

A wani labari makamancin wannan, mun ji cewa wani matashi ya zama miloniya a dare daya bayan ya lashe makudan kudade har naira miliyan 38 a wani gidan buga caca.

Dan Najeriyan wanda ya taki sa'a ya buga cacar na naira 800 kacal.

A wani dan gajeгел bidiyo da @bod_republic ya wallafa a Twitter ya nuno lokacin da labarin gagarumar nasarar da yayi ya karade garin.

Asali: Legit.ng