Bidiyon mace mai nishadantarwa sanye da hijabi a wani chasu ya janyo maganganu

• Wani bidiyon matashiyar budurwa mai nishadantar tare da zuga jama'a a biki ya janyo cece-kuce daga ma'abota amfani da kafar sada zumuntar zamani
• A bidiyon, an ga budurwar tana nishadantar da bakin a matsayin mai jawabi inda take sanye da hijabinta a mutunce a wurin chasu
• Ba tare da ta damu da yadda tayi shigar arziki ba, budurwar ta cigaba da ingiza bakin inda ta dinga nishadantar dasu da kalamai irin na wurin taro

Duk iya zuwa bikin da masu karatu suke yi, bana tsammanin sun taba cin karo da mace mai nishadantarwa tare da iza baki ko 'yan biki mai sanye da hijabi.

Bidiyon wata budurwa sanye da hijabi tamkar yadda yaran Musulmai suke yi ya janyo cece-kuce sakamakon kalaman da take amfani da su a wurin bikin da ta halarta. Ta matukar nishadantar da bakin dake wurin liyafar.

Kara karanta wannan

Jarumar Mata: Yadda Uwargida Ta Rungume Amaryar Mijinta A Wajen Dinan Aurensu, Bidiyon Ya Haddasa Cece-Kuce

Matashiyar budurwar ita ce mai nishadantarwa a wurin taron kuma babu shakka jama'ar dake wurin sun ji dadin taron saboda ita.

Ta yi aikinta cike da kwarewa amma zabin shigarta kuwa ya matukar bai wa jama'a mamaki.

'Yan Najeriya sun yi martani

Tuni ma'abota amfani da kafar sada zumuntar zamani suka dinga martani kan matashiyar budurwar.

Legit.ng ta tsinto muku wasu daga cikin tsokacin jama'a.

Mcmakpolo1: "Wannan mashayar tayi kama da ta kauye. Hasken wutar dake ciki ya yi yawa amma a gaskiya ta kware a aikinta."

Abayomi_Alvin: "Idan kana kaunar Allah amma kuma akwai burbushin Naira Marley a jikinka."

Barbie_arowolo: "Duk abinda idon mutum bai gama gani ba, bakinka bai isa ya fadi ba."

Wyztagram: "Ta yuwu tana karantar fannin jarida ne kuma tana gwada kwazonta."

Kamar yana jira: Magidanci ya fara warwasawa da 'yan mata, wata 5 bayan mutuwar matarsa

Kara karanta wannan

Bidiyon Yadda Wata Amarya Da Mahaifinta Suka Fashe Da Kuka A Wajen Liyafar Bikinta

A wani labari na daban, wata mata ta caccaki tsohon mijin marigayiyar kawarta bayan ya wallafa hotonsa da wata mata a kafar sada zumuntar zamani bayan wata biyar da mutuwar matarsa.

Ma'abociyar amfani da Twitter mai amfani da suna @Miss Roach, ta ce kawarta ta sha wuyar mijinta wanda har wata mata ya dirkawa ciki a lokacin tana da rai.

Ta kara da cewa, kawarta ta karba 'dan mijin wanda ya samu a gaba da fatiha tamkar nata, kuma ta zauna a gidan aurenta har zuwa shekarar da ta gabata inda tace ga garinku.

Bayan kwanaki biyar kacal da rasuwar kawarta, mijinta ya kwaso wata matar inda ya saka ta a gidan marigayiyar matarsa, kawarta ta kara da bayani.

Asali: Legit.ng