Matashi Mai Kafa Daya Wanda Ke Aiki A Wajen Gini Ya Samu Tallafin Karatu A Turai

• Rayuwar wani matashi mai kafa daya na gab da canjawa bayan kokarinsa ya ja hankalin shugaban cocin OPM Apostle Chibuzor Gift Chinyere
• An dauki bidiyon matashin wanda ya bar makaranta yana aiki a wajen gini da taimakon sandar guragu kuma hakan ya taba zukata
• Apostle Chibuzor ya bayyana cewa matashin zai bar kasar don tafiya karatu a waje kyauta

Cocin Omega Power Ministries (OPM) ya sake ceto wani matashi mai fama da nakasa sannan ya sanya farin ciki a zuciyarsa ta hanyar bashi tallafin karatu a kasar waje.

Bidiyon wani matashi mai kafa daya yana aiki a wajen gini ya yadu a shafukan soshiyal midiya kuma hakan ya burge mutane da dama.

Daya daga cikin wadanda bidiyon ya burge shine shugaban OPM Apostle Chibuzor Gift Chinyere wanda ya bayar da cigiyar mutum ya kuma gano shi.

Kara karanta wannan

An Sha Fama: Bidiyon Yadda Wani Ango Ya Yi Sujjada Tare Da Fashewa Da Kuka A Wajen Daurin Aurensa

Shugaban OPM ya bayar da karin haske game da lokacin da matashin zai bar kasar

Da yake yada sabon hoton mutumin da mabiya shafinsa Facebook a ranar Lahadi, 31 ga watan Yuli, Apostle Chibuzor ya bayyana bakin cikin da ke tattare da labarinsa.

A cewar shugaban na OPM, matashin ya rasa kafarsa ne a wani hatsari a hanyarsa ta zuwa makaranta.

Iyayensa wadanda suka kasance talakawa sun yi amfani da abun da ya rage masu don ceto rayuwarsa kuma hakan yasa suka rasa kudin ci gaba da tura shi makaranta.

Iyayen na zaune a gidan laka

Da wannan tallafin, Apostle Chibuzor ya nuna yakinin cewa matashin zai fitar da iyayensa daga kangin talauci. Kan lokacin da matashin zai tafi, ya rubuta:

“Da izinin Allah, Apostle Chibuzor ya sama masa fasfot daga hukumar kula da shige da fice kuma an fara nema masa takardu da biza.

Kara karanta wannan

Kin Gama Mun Komai a Rayuwa: Lauya Ya Fashe Da Kuka A Gaban Mahaifiyarsa Kan Dawainiyar Da Ta Yi Da Shi

“Kuma zai shiga sahun dalibai 46 da OPM ya baiwa tallafin zuwa waje yin karatu a watan Agusta.”

Jama'a sun yi martani

Ekeke Victor ya ce:

"Wow Allah ya ci gaba da kareka ya kuma yi maka albarka."

Harris Eluwah ya ce:

"Uban dukka kasa na aiki. Daddy OPM Allah ya albarkace ka da iyalinka. Kana kokari."

Ezeiruaku Ozzie ya ce:

"Wannan abun a yaba ne.

"Ina tayaka murna dan uwa CHIBUZOR UCHENDU.

"Allah ya tuna ka da alkhairi.

"Allah ya albarkaci uba nagari."

Yadda Matasa 3 Suka Kama Sana’ar Kosai, Sun Mayar Da Hankali Wajen Ganin Sun Yi Kudi, Hotunansu Ya Yadu

A gefe guda, wani dan Najeriya mai suna Alarma Abd-Karim Isola a Facebook a ranar Laraba, 27 ga watan Yuli, ya je shafinsa don rubuta labarin wasu hazikan matasa uku a Offa.

Ya ce matasan sun bude sana’ar siyar da kosai sannan suka mayar da hankali a kai. A cewarsa, shekarunsu na a tsakanin 20-25.

Kara karanta wannan

2023: Rikicin PDP Ya Dauki Sabon Salo, Gwamnoni Da Ke Goyon Bayan Wike Sun Gindayawa Atiku Sabbin Sharruda Kafin Su Mara Masa Baya

Isola ya bayyana cewa matasan wadanda ba yan gari bane sukan kasance cikin kyakkyawan shiga kuma suna faran-faran yayin hulda da abokan cinikinsu. Ya kara da cewa suna dauke da askin da ake yiwa lakani da na ‘Yan Yahoo’.

Asali: Legit.ng