Yadda Matasa 3 Suka Kama Sana’ar Kosai, Sun Mayar Da Hankali Wajen Ganin Sun Yi Kudi, Hotunansu Ya Yadu

• Wani matashi dan Najeriya, Alarma Abd-Karim Isola, ya baje kolin wasu hazikan matasa uku da ke siyar da kosai a bakin hanya
• Isola ya bayyana cewa yayin da mutane ke tsoron ko matasan na da hatsari, shi ya kan siya kosai a wajensu don sauya wannan tunani
• Mutane da dama sun yi martani a kan hotunan matasan wadanda suka yi matukar birge su, sun ce su abun koyi ne a cikin al’umma

Wani dan Najeriya mai suna Alarma Abd-Karim Isola a Facebook a ranar Laraba, 27 ga watan Yuli, ya je shafinsa don rubuta labarin wasu hazikan matasa uku a Offa.

Ya ce matasan sun bude sana’ar siyar da kosai sannan suka mayar da hankali a kai. A cewarsa, shekarunsu na a tsakanin 20-25.

Kara karanta wannan

Bidiyon Yadda Gwamna Zulum Ya Zage Da Kansa Ya Daidaita Cunkoson Jama’a A Wajen Daurin Auren Yar Shettima

Mutane sun zata yan Yahoo ne

Isola ya bayyana cewa matasan wadanda ba yan gari bane sukan kasance cikin kyakkyawan shiga kuma suna faran-faran yayin hulda da abokan cinikinsu. Ya kara da cewa suna dauke da askin da ake yiwa lakani da na ‘Yan Yahoo’.

An sanyawa wajen suyar kosansu “akara yahoo” saboda daukar da mutane ke yi masu da farko; cewa suna amfani da sana’ar ne don yin rufa-rufa a kan damfara da asiri.

Kosansu akwai dadi

Don tallafawa kasuwancinsu, Isola ya ce:

“Ina yawan siyan kosai a wajensu don karfafawa mutane gwiwar cewa babu matsala kuma ba sa kwashe arzikin mutane (ban ga laifin kowa ba a kan irin wannan tsoron).”

Ya bayyana cewa kosansu akwai dadi kuma suna yinsa ne cike da tsafta.

Ya kara da cewa:

“A duk sand aka shiga Offa, ka tsaya a gefen Captain Cook sannan ka dandana akara yahoo.”

Kara karanta wannan

Yadda Bidiyon Kyawawan Angwaye Ya Kirkita Mata A Soshiyal Midiya, Wata Tace Angon Take So

Allah ya albarkace su

Debo Adedayo ya ce:

“Wannan abun sha’awa ne! Allah Ubangiji ya albarkaci nemansu.”

Akeem Afolabi ya ce:

“Suna nan a Ibadan, Osogbo da sauransu. Allah ya albarkaci nemansu.”

Abdulkareem Hassan Olayinka ya ce:

“Ina addu’a Allah yasa wannan kasuwanci ya kai su inda suke mafarkin zuwa.”

Sulaimon Blacky ya ce:

“Ku ci gaba da aikin nagari.”

Kin Gama Mun Komai a Rayuwa, Lauya Ya Fashe Da Kuka A Gaban Mahaifiyarsa Kan Dawainiyar Da Ta Yi Da Shi

Agefe guda, wani bidiyo mai taba zuciya da ya yadu a shafukan soshiyal midiya ya nuno wani lauya da aka rantsar a matsayin cikakken lauya yana godiya ga mahaifiyarsa cike da kauna.

A cikin dan gajeren bidiyon, an gano matashin mai suna Harmonihie zube a gaban mahaifiyarsa yana zubar da hawayen murna da godiya.

Matashin ya rike kafafuwan mahaifiyar tasa yayin da yake kuka wiwi, yana godiya gare ta a kan goyon bayan da ta bashi a wannan tafiya na zama lauya.

Kara karanta wannan

An kai wa 'Dan Majalisar Daura, 'Danuwan Shugaba Buhari Hari Har Gida a Katsina

Asali: Legit.ng