Labari da duminsa: 'Yan daba sun farmaki cocin Legas, sun sace na'urorin buga katin zabe
Wasu ’yan daba sun kai farmaki cocin St. Bridget Catholic da ke ljesha, Surulere Legas, tare da kwashe injinan jami’an INEC da ke aikin rajistar PVC.
ABIN LURA: Za ku iya ceton rayuwar diya mace dake cikin hadari. Bada gudunmuwarka ga Patreon na Legit
Limamin cocin ya kulle harabar cocin, a lokacin da mutane suka yi tururuwa domin gudun tsira, Vanguard ta ruwaito.
Wani mazaunin yankin da ya nemi a sakaya sunansa ya shaida cewa ‘yan daban sun mamaye wurin, inda suka ce ba za a bar su su yi rajistar PVC din ba saboda ba za su zabi dan takarar su ba.
Ya ce sun lalata kayayyakin hukumar zabe mai zaman kanta ta kasa (INEC) tare da kwashe wasu kayayyakin rajistar PVC.
Ya kara da cewa an tattara ‘yan sanda zuwa yankin domin dakile taka doka da oda.
Karin bayani na nan tafe...
Asali: Legit.ng
