Da duminsa: Hotunan NLC yayin da suka fito zanga-zangar kara ga ASUU

• Kungiyar Kwadago ta Kasa, NLC, ta fito zanga-zanga a wasu jihohin kasar nan domin taya ASUU fushi
• Kamar yadda hotuna suka bayyana, mambobin NLC sun fito zanga-zangar a titunan Legas da Kano a Najeriya
• Tun dai a watan Fabrairu ne ASUU ta fada yajin aiki wanda har yanzu babu batun sasanci tsakaninta da gwamnatin tarayya

A yau ranar Talata, 26 ga watan Yulin 2022 ne Kungiyar Kwadago ta kasa ta bayyana a titunan jihohin kasar nan domin zanga-zangar kara ga Kungiyar Malamai masu koyarwa na jami'o'in Najeriya.

Idan za a tuna, Kungiyar Malaman sun shiga yajin aiki a ranar 14 ga watan Fabrairun 2022 kuma har yanzu babu batun sasanci tsakaninsu da gwamnatin tarayya.

Sakamakon halin ko in kula da gwamnatin tarayya ta nuna wa ASUU, ya tunzura kungiyoyi masu yawa ciki kuwa har da kungiyar Kwadago ta kasa wacce ta fito taya su nuna fushi a titunan jihohin kasar nan.

Kara karanta wannan

Babbar magana: Ma'aikatan wutar lantarki za su mamaye Najeriya domin taya ASUU zanga-zangar nuna fushi

Ga wasu daga cikin hotunan 'yan kungiyar kwadagon daga jihohin Legas da Kano a Najeriya:

Asali: Legit.ng