Yanzu-Yanzu: Jami'an tsaro sun budewa magoya bayan Okorocha wuta a farfajiyar gidansa

• Jami'an tsaro a halin yanzu sun bude wa magoya bayan Sanata Rochas Okorocha wuta a farfajiyar gidansa da ke Abuja
• Magoya bayan da yawancinsu mata ne da manema labarai a halin yanzu sun cika bujensu da iska domin gudun ceton rayukansu
• Jami'an tsaro sun zagaye gidan fitaccen dan siyasan in da suka jaddada cewa ba za su bar wurin ba har sai sun cafke shi

FCT, Abuja - Jami'an tsaro da ke zagaye da gidan tsohon gwamnan jihar Imo, Rochas Okorocha, a Abuja sun bude wa magoya bayan dan majalisar wuta domin tarwatsa su.

Masu zanga-zangar wadanda da yawansu mata ne da manema labarai da ke kula da cigaban, a halin yanzu suna gudun ceton rayukansu.

Jami'an tsaron suna jaddada cewa ba za su bar farfajiyar gidan ba har sai an damke dan siyasar, Daily Trust ta ruwaito.

Karin bayani na nan tafe...

Asali: Legit.ng