Malaman addini 6 sun rasa rayukansu a hadarin mota a hanyarsu ta dawowa daga da'awa a Kano
- Allah ya yiwa Malaman addini shida da suka tafi da'awa kauye rasuwa a hanyarsu ta dawowa
- An tattaro cewa daga cikin wadanda suka rasu akwai Sheikh Alkassim, Isiya Tela, Malam Ishaq Rummawa, da Mustapha Musa Sa’ad.
- Allah ya jikansu da rahama kuma ya kyautata makwancinsu
Kano - Malamain addinin Musulunci masu wa'azi guda shida sun rasa rayukansu a jihar Kano ranar Laraba sakamakon mumunan hadarin mota yayin dawowa daga wajen da'awa.
Daily Nigerian ta ruwaito cewa Malaman sun yi hadarin mota ne a hanyar komawarsu gida daga karamar hukumar Sumaila.
Wata jami'in gidauniyar Imam Malik da suka dauki nauyin da'awar ta bayyana cewa sun samu labarin hadarin ne misalin karfe 3 na rana.
Asali: Facebook
Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!
A cewarta, labarin da suka samu shine dukkan Malamai shida dake cikin tawagar da'awar sun rigamu gidan gaskiya.
Ta ce har yanzu ba'a samu bayanai kan sauran wadanda suka raka malaman ba.
Tace:
"Mun taru yanzu a gidauniyar dake unguwar Dakata. Zamu je gidan Sheikh Alkassim Zakariyya don jana'izarsu."
Wasu daga cikin dalibansu sun yi jimamin rashin malaman a shafin ra'ayi da sada zumuntar Facebook.
An tattaro cewa daga cikin wadanda suka rasu akwai Sheikh Alkassim, Isiya Tela, Malam Ishaq Rummawa, da Mustapha Musa Sa’ad.
Shugaba Buhari ya jajantawa tsohon shugaba Jonathan game da mutuwar mukarrabansa
A baya kun ji cewa, shugaban kasa Muhammadu Buhari ya jajantawa tsohon shugaban Najeriya; Good Ebele Jonathan bisa rashin wasu mukarabbansa biyu a hadarin mota.
Idan baku manta ba, a cikin makon nan ne rahotanni suka karade kafafen watsa labaran Najeriya, inda aka bayyana yadda hadarin mota ya rutsa da tawagar tsohon shugaban kasar a Abuja.
Jim kadan bayan faruwar hadarin, jiga-jigan 'yan Najeriya daga sassa daban-daban na kasar suka fara aiko da sako jaje da nuna alhini ga Goodluck Jonathan.
Asali: Legit.ng
