Yakin Rasha da Ukraine: Kamfanin Google ya sanya wa Rasha takunkumi mai tsanani

• Kamfanin Google ya shiga cikin jerin kamfanonin da ke daukar tsauraran matakai kan Rasha da shugaba Vladimir Putin saboda mamayar soja a kasar Ukraine
• Kamfanin fasahar na kasa-da-kasa ya dakatar da duk wani nau'in tallace-tallace a Rasha bayan da kasar ta ke ci gaba da rikici da Ukraine
• Tun da farko Google ya dakatar da RT, Sputnik da sauran kafofin watsa labarai da gwamnatin Rasha ke daukar nauyinsu a YouTube a Turai yayin yakin da ke kara ta'azzara

Kamfanin fasaha na Google a Amurka kuma katafaren dandalin bincike na yanar gizo, ya dakatar da duk wani nau'in talle da 'yan Rasha ke yi, a daidai lokacin da Shugaba Vladimir Putin ya fara yakar kasar Ukraine.

Jaridar New York Times ta ruwaito cewa Google ya sanar da dakatarwar ne a daren jiya Alhamis 3 ga watan Maris.

Kara karanta wannan

Da dumi-dumi: Rukunin farko na yan Najeriya mazauna Ukraine sun iso Abuja

Legit.ng ta tattaro cewa kamfanin ya dauki wannan mataki ne bayan da hukumar kula da harkokin intanet ta kasar Rasha ta umarce shi da ya daina nuna tallace-tallacen da suke nuna bayanan karya game da mamayar kasar Ukraine.

Google ya ce ya dakatar da kasuwancinsa na talla a Rasha, ciki har da binciken yanar gizo, YouTube da harkokin tallace-tallacen yanar gizo, kamar yadda Reuters ta ruwaito.

A baya dai kamfanin ya dakatar da dukkan tallan abubuwan da kafafen yada labaran kasar Rasha suka samar.

Ya bayyana cewa tuni ya toshe tallace-tallacen da ke da alaka da rikicin saboda ba sa son mutane su yi amfani da rikicin don samun kudi.

Kamfanin ya fitar da sanarwa, inda yace:

"Bisa la'akari da yanayi na musamman, mun dakatar da tallace-tallacen Google a Rasha. Yanayin yana ta'azzara cikin sauri, kuma za mu ci gaba da ba da sabbin bayanai a lokacin da ya dace."

Kara karanta wannan

Yana Da Katafaren Fada A Cikin Daji: Abubuwa 4 Masu Mamaki Game Da Shugaban Rasha Vladimir Putin

An haramtawa Magen Rasha shiga gasar wasanni bisa mamayar Ukraine

A wani labarin, kungiyar Mage ta Duniya ta ce ta haramtawa Magunan Rasha shiga gasarta a matsayin ladabtar da Shugaba Vladimir Putin bisa farmakar Ukraine, The Cable ta ruwaito.

A cikin wata sanarwa a ranar Alhamis, kungiyar - wacce ke alfahari da kanta a matsayin "Kungiyar Majalisar Dinkin Duniya ta Maguna" - ta ce "ta firgita kuma ta jijjiga" da ta ji cewa sojojin Rasha za su mamaye Ukraine tare da "fara yaki."

Kungiyar da ke Faransa - wacce kuma aka sani da Fédération Internationale Féline (FIFe) - ta ce ta yanke shawarar ne a ranar Talata, saboda ba za ta iya ganin wannan ta'asa ba kuma ba ta yi komai ba.

Asali: Legit.ng