Babbar magana: Bugagge ya zuba omo a ledar ruwan maganin majinyaci, ya gamu da fushin alkali

• Kotu a kasar waje ta yankewa wani bugagge hukuncin daurin shekaru uku bisa laifin yunkurin kashe majinyaci
• Rahoton da muke samu ya bayyana cewa, bugaggen ya zuba ruwan omo ne a cikin ledar ruwan magani
• Kotun ta bayyana cewa, dama a baya an sha samun mutumin da aikata laifukan da suka shafi jefa mutane a hadari

Daejeon, kasar Koriya ta Kudu - An yanke wa wani mutum dan shekaru 32 hukuncin daurin shekaru uku a gidan yari bisa laifin zuba ruwan omo a ledar ruwan maganin wani majiyyaci yayin da yake kwance a asibiti don jinyar kuna.

Majiyoyi sun bayyana a ranar Talata cewa mutumin ya aikata laifin ne a wani asibiti da ke Daejeon, mai tazarar kilomita 160 Kudu da birnin Seoul, a watan Maris din shekarar 2021.

Kara karanta wannan

Shiga tashin hankali: Abba Kyari da jiga-jigai 6 da suka fada rashin lafiya yayin bincikarsu

Bayan saka sinadarin, majiyyacin ya koka da jin ciwon kirji wanda ya kai ga wata ma'aikaciyar jinya ta canza ruwan ledan, amma mutumin ya sake zuba ruwan omon a bayan sa'a daya, in ji majiyoyin.

Wanda ake zargin da a buge yake a lokacin, ya yi ikirarin cewa omon zai kashe kwayoyin cuta tare da tsaftace hanyoyin jini, inji rahoton The Nation.

Yana da tarihin aikata laifuka a can baya, ciki har da karyawa da shiga wuraren da ba nasa ba a cikin maye a watan Agustan 2020 da kuma zubar da iskar gas a gaban gidan wani.

Pulse Nigeria ta tattaro a rahotonta cewa kotun gundumar Daejeon ta ce:

"Ya kamata a hukunta wanda ake tuhuma da aikata mummunan laifi kamar yadda ya zuba guba ga wanda ke barci ta hanyar hada omo da ruwan maganin IV."

Kara karanta wannan

Kano: Ya Jefa Yaro Cikin Rijiya Bayan Yin Rikici Da Mahaifin Yaron, Kotu Ta Ce a Tsare Shi a Gidan Gyaran Hali

Dadi kamar kifi da kaza: Jama'a sun kadu ganin shahararriyar mawakiya na cin kyankyaso

A wani labarin, wata mata daga Dar es Salaam a kasar Tanzaniya, ta zama maudu'in tattaunawa a Intanet yayin da aka gano tana kiwon kyankyasai don samun abinci.

Saumu Hamisi, wata mawakiya mai suna Ummy Doll, ta ce mutane sun yi ta maganganu da yawa a lokacin da suka ji tana ajiye kwarin domin ta ci soye.

A cewarta:

"Wasu sun ce ni mahaukaciya ce amma kyankyasai suna kawo min kudi don haka ban damu da ra'ayin mutane ba."

Asali: Legit.ng