Innalillahi: Fitaccen shehin malamin Musulunci ya yanke jiki ya fadi yana tsaka da wa'azi

• Shugaban makarantar Markaz Arabic and Islamic Training Institute da ke Agege a jihar Legas, Sheikh Habeeb Abdullahi Al-Ilory ya yanke jiki ya fadi
• An gano cewa shehin malamin ya fadi ne yayin da ya ke tsaka da wa'azi wurin daurin auren diyar tsohon CJN
• An hanzarta mika shi asibitin UITH inda aka tabbatar da cewa shanyewar barin jiki ce ta same shi kuma aka kwantar da shi

Kwara - Mamallakin makarantar Markaz Arabic and Islamic Training Institute da ke Agege a jihar Legas, Sheikh Habeeb Abdullahi Al-Ilory, ya yanke jiki ya fadi yayin da ya ke wa'azi a Ilorin, babban birnin jihar Kwara.

Kamar yadda Daily Trust ta tattaro, lamarin ya faru ne a ranar Alhamis yayin da ake tsaka da daurin auren diyar tsohon shugaban alkalai, Alfa Belgore.

Kara karanta wannan

Wata sabuwa: Jamhuriyar Benin ta yanke sake tsare Sunday Igboho na tsawon watanni

An gano cewa Habeeb ya shirya kuma yahalarci bikin sanye da farar babbar riga da shudiyar hula kuma bai dade da fara wa'azin ba yayin da ya yanke jiki ya fadi.

A yayin bada labarin aukuwar lamarin ga Daily Trust, wani ganau wanda ya bayar da sunansa da Yinusa, ya ce daga zuwan malamin zuwa wa'azin da ya fara da kuma faduwarsa a wurin bai wuce sa'o'i biyu ba.

Binciken da Daily Trust ta yi ya nuna cewa an kwantar da Malamin a fannin masu shanyewar jiki na asibitin koyarwa na jami'ar Ilorin.

Wani babban jami'in lafiya a asibitin a ranar Lahadi ya tabbatar da cewa malamin ya samu shanyewar barin jiki kuma an kwantar da shi a asibitin.

"An gagauta kai shi asibitin a ranar Alhamis kuma daga bisani aka gane cewa shanyewar barin jiki ce. Ya na sashin masu shanyewar barin jiki a UITH," ya kara da cewa.

Kara karanta wannan

Hotunan Tinubu yayin da ya dawo daga Ingila bayan kwashe kwana 10 ya na shawara

Wani yaron malamin wanda ya bukaci a boye sunansa ya ce, "Baba Sheikh Habeeb yanzu ya na samun sauki kuma babu dadewa zai dawo.

"Babu wanda ya wuce wannan jarabawar komai kuwa matsayinsa da martabarsa a al'umma," ya kara da cewa.

Innalillahi: Wani Lakcara ya yanke jiki ya faɗi ana tsaka da taro, ya rigamu gidan gaskiya

A wani labari na daban, wani malami a kwalejin fasaha dake Offa, jihar Kwara, Mista Ayatu Ikani, ya rigamu gidan gaskiya.

Jaridar Dailytrust ta rahoto cewa Mista Ayatu ya yanke jiki ya faɗi yayin da suke cikin taro da mutanensa a Offa, jihar Kwara.

Duk wani kokari da mutanen yankinsa za su yi na ganin ya farfarɗo, sun yi amma ba su samu nasara ba saboda lokacinsa ya yi.

Asali: Legit.ng