A yanzu haka: Mayakan Boko Haram sun shiga Chibok, su na luguden wuta
1 - tsawon mintuna
- 'Yan ta'addan Boko Haram sun kutsa wani kauyen karamar hukumar Chibok mai suna Pemi inda suke ta luguden wuta
- Wani mai gadi ya tabbatar da hakan inda ya ce farar hula su na ta gudun ceton rai sakamakon harbin da 'yan ta'addan ke yi
- A cewar mai bayar da labarin, 'yan ta'addan sun shiga kauyen ta wani daji makusanci, hakan yasa jama'a ke ta gudun ceton rai
Borno - Mayakan ta'addancin Boko Haram a halin yanzu suna cikin wani kauye a karamar hukumar Chibok ta jihar Borno.
Wani mai gadi a yankin ya tabbatar wa da Daily Trust inda ya ce farar hula suna ta barin gidajen su.
Asali: Original
"Sun zo wurin karfe 7 na yamma kuma sun shiga kauyen Pemi, wanda ke da nisan kilomita 15 daga asalin garin Chibok.
“Sun bayyana ne ta wani daji na kusa kuma sun fara harbi babu kakkautawa ta kowanne sashi bayan isowar su.
"Mutane da yawa sun shiga daji; wasu a halin yanzu suna cikin garin Chibok," majiyar ta ce.
Karin bayani na nan tafe...
Asali: Legit.ng
