Yanzu-Yanzu: Gwamnati ta buɗe hanyoyin sadarwa da aka datse a jihar Katsina

• Bayan kwashe wata uku da rufe layukan sadarwa a jihar Katsina, gwamnati ta bada umarnin dawo da shi yau Alhamis
• A sanarwan da hadimin gwamna Masari kan harkokin tsaro ya fitar, yace an ɗauki wannan matakin ne saboda samun saukin ayyukan yan bindiga
• Yace dama an ɗauke sabis na wani ɗan lokaci ne a kokarin gwamnatin Masari na dakile yan bindiga da masu taimaka musu

Katsina - Gwamnatin jihar Katsina karkashin jagorancin gwamna Aminu Bello Masari, ta sanar da dawo da amfani da layukan sadarwa a sassan jihar.

Rahoton Aminiya Hausa ya bayyana cewa gwamnatin jihar ta dawo da sabis da ta datse a baya a yunkurin dakile yawaitar ayyukan yan bindiga a wasu yankunan jihar.

Gwamnati ta ɗauki matakin datse hanyoyin sadarwa da wasu matakai ne a wasu kananan hukumomin jihar domin yaki da ta'addancin yan bindigan daji.

Kara karanta wannan

Karin Bayani: Gwamna Masari ya dira gidan kwamishinan da aka kashe, jami'ai sun cafke mutum daya

Babban mai baiwa gwamna Masari shawara ta musamman kan harkokin tsaro, Ibrahim Muhammad Katsina, shine ya faɗi haka a wata sanarwa da ya fitar.

Meyasa za'a dawo da sabis Katsina?

Bayan shafe watanni uku da rufe hanyoyin sadarwa a kananan hukumomi 17, da rufe wasu kasuwanni, wanda gwamnatin jihar Katsina ta yi, ta bada umarnin sake bude su.

A cewar hadimin gwamna, gwamnatin Katsina ta ɗauki wannan matakin ne bayan gano cewa an samu saukin ayyukan ta'addancin yan bindiga da kuma masu kwarmata musu bayanai.

Yace:

"Gwamnati ta datse hanyoyin sadarwa ne na wani lokaci, da nufin dakile ayyukan yan bindiga da masu taimaka musu da bayanai, musamman a waɗan nan kananan hukumomi 17."

Daga ƙarshe, Mashawarcin gwamnan ya yi kira ga Katsinawa su cigaba da baiwa gwamnati goyon baya a kokarinta na ganin ta magance matsalar tsaron da ta addabi jihar.

Kara karanta wannan

Uwargida ta waskawa miji mari ana tsakiyar shirin ma'aurata a gidan Rediyo, bidiyo

A wani labarin na daban kuma bayan hatsarin kwalekwale da ya faru a Kano, Gwamnatin Ganduje ta dakatar da sufurin jiragen ruwa a Bagwai

Gwamnatin Kano ta sanar da ɗaukar matakin dakatar da sufurin jiragen ruwa a yankin karamar hukumar Bagwai.

Rahoto ya nuna cewa a zaman majalisar zartarwa, gwamnatin ta kafa kwamitin da zai binciko musabbabin hatsarin da ya lakume sama da rai 20.

Asali: Legit.ng