'Dan Najeriya Mai Kuɗi Ya Kashewa Budurwa Naira Miliyan 800 a Tashi Daya

• Dan Najeriya da ya mallaki makudan kudi, Geoffrey Ogunlesi ya saye zoben $500,000 ga budurwarsa mai suna Jennifer Meyer
• Jennifer Meyer ta nuna zoben ne a yayin wani taron masoya da aka yi a birnin Los Angeles na kasar Amurka a ranar Asabar
• Rahotanni sun tabbatar da cewa Geoffrey Ogunlesi yana cikin yan Najeriya da suka mallaki biliyoyin kudi a fadin duniya

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

America - Wani hamshakin mai arziki a Najeriya ya kashe $500,000 wajen sayen zobe ga budurwarsa.

Budurwar mai suna Jennifer Meyer, ta nuna zoben ne yayin wani taro a birnin Los Angeles na kasar Amurka.

Daily Mail ta wallafa cewa a ranar Asabar ne mosoyan suka yi fitan farko bayan an musu baiko a watan Satumba.

Kara karanta wannan

Wata 1 da birne matarsa, wani fitaccen dan wasan kwallon kafar Najeriya ya rasu

Saurayi ya kashe $500,000 a kan budurwa

Hamshakin mai kuɗi a Najeriya, Geoffrey Ogunlesi ya saye zoben aure na zinare ga burwarsa mai suna Jennifer Meyer da ya kai $500,000.

Geoffrey Ogunlesi ya kasance ɗa ne ga babban mai kudi kuma dan kasuwa a Najeriya, Adebayo Ogunlesi.

Wacece Jennifer Meyer?

Jennifer Meyer ta kasance mata ce mai harkar kayan kwalliya a kasar Amurka kuma soyayyarta da Geoffrey Ogunlesi ta yi karfi ne a watan Nuwamban bara.

A halin yanzu, Jennifer Meyer mai shekara 47 tana da ya'ya biyu kuma daga cikin kewayenta akwai Jennifer Aniston da Courteney Cox.

A watan Satumban da ya wuce ne aka yi baikon Jennifer Meyer da Geoffrey Ogunlesi kuma a lokacin ne ya mika mata zoben.

Ogunlesi da Jennifer sun shiga gidan gala

A ranar Asabar da ta wuce Geoffrey Ogunlesi da Jennifer Meyer suka shiga wani gidan gala a Amurka.

A yayin shakatawa a gidan galar, Jennifer Meyer ta sanya zoben da Ogunlesi ya saya mata inda ya rika daukar hankulan al'umma.

Kara karanta wannan

Tsadar rayuwa: Tinubu ya karfafi yan Najeriya, ya yi kyakkyawan albishir

Za a yi auren yar Kwankwaso a Kano

A wani rahoton, kun ji cewa a ranar Asabar mai zuwa za a daura auren diyar Sanata Rabi'u Musa Kwankwaso a garin Kano.

An ruwaito cewa Dr Aisha Rabi'u Kwankwaso za ta auri Fahad Dahiru Mangal ne a fadar mai martaba Muhammadu Sanusi II.

Muhammad Malumfashi, babban edita a sashen Hausa na Legit ya duba labarin.

Asali: Legit.ng