'Babu Ruwanmu a Fadanku': An Soki Isra'ila da Ta Zargi Wata Ƙasa da Neman Ruguza Najeriya

• Wasu yan Najeriya da dama sun caccaki kasar Isra'ila da ke neman hada kasar fada da Iran da ke Gabas ta Tsakiya
• Hakan ya biyo bayan zargin da Isra'ila ta yi cewa Iran na da hannu a neman ruguza Najeriya da rashin tsaro
• Sai dai yan kasar sun kushe salon Isra'ila na neman hada kasar fada da Iran kan wasu zarge-zarge da ba su da tushe

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja - Yan Najeriya da dama sun tofa albarkacin bakinsu game da zargin Isra'ila kan kasar Iran.

Yan kasar sun gargadi Isra'ila ta guji kawo rigimar da suke yi tsakaninsu a Gabas ta Tsakiya zuwa Najeriya.

Kara karanta wannan

Ana masa dawo dawo karo na 2, Jonathan ya yi magana kan nasarar Trump

Isra'ila ta zargi Iran da neman tarwatsa Najeriya

Tribune ta ruwaito cewa jakadan Isra'ila a Najeriya, Michael Freeman ya zargi Iran da neman kawo tarnaki a zaman lafiyar Najeriya.

Freeman ya fadi haka ne a Abuja yayin bikin cika shekara daya da Hamas ta yi kisan gilla kan yan Isra'ila.

Freeman ya nuna damuwa kan yadda ake fama da matsalar tsaro musamman a Najeriya inda ya zargi Iran da hannu a ciki, cewar Thisday.

Sai dai wannan zargi ya jawo ka-ce-na-ce a Najeriya musamman a kafofin sadarwa ta zamani.

Martanin wasu yan Najeriya kan zargin Isra'ila

@Jonehmk:

"Malam, Najeriya ba za ta yadda da zargin da kake yi ba kan Iran, ka da ka dauko fadanku da Iran ka jawo matsala tsakanin Abuja da Tehran."

@MohWorldent:

"Sun dage sai sun jawo rigima tsakanin Najeriya da kowace kasa karfi da yaji."

Kara karanta wannan

Bidiyon lokacin da Tinubu ya isa birnin Riyadh, zai halarci manyan tarurruka 2

@SavannaConnect:

"Wannan babban zargi ne, idan har gaskiya ne zai iya kawo cikas ga zaman lafiyar Najeriya, ya kamata Najeriya ta yi bincike domin kare martabarta."

@HEATHEN_STONER:

"Ku duba yadda yan Najeriya ke amincewa da karyar Isra'ila, ina zargin Isra'ila na da hannu a lalata Najeriya musamman a yakin basasa da suka goyi bayan kasar."

@demobanty:

"Wannan ba wani abu ba ne, babu wanda zai amince da wani ko abin da ke da alaƙa da Isra'ila."

Isra'ila ta kai wasu hare-hare kasar Iran

A baya, kun ji cewa Isra'ila ta kai harin ramuwar gayya kan ƙasar Iran a wani yunƙuri na ƙara takalar faɗa a yankin Gabas ta Tsakiya.

Ƙasar Iran ta tabbatar da kai hare-haren a kan sansanonin soji da ke wasu larduna guda uku na ƙasar ciki har da birnin Tehran.

Asali: Legit.ng