Abubuwa 6 da Qatar Ta Yi Da Suka Ɗaga Darajar Musulunci a Gasar Kofin Duniya 2022

Abubuwa 6 da Qatar Ta Yi Da Suka Ɗaga Darajar Musulunci a Gasar Kofin Duniya 2022

A ranar Lahadi aka gudanar da bikin buɗe gasar Cin Kofin Duniya 'Qatar 2022 FIFA World Cup a babban Filin wasan Al-Bayt dake Al-Khor.

The Nation ta tattaro cewa daga cikin abinda aka yi a wurin harda fitowar fitaccen jarumin nan, Morgan Freeman da Ghanim Al-Muftah da wasan mawakin nan na Koriya ta kudu da dai sauransu.

A mintuna 30 da aka kwashe ana abubuwa daban-daban a Dandamalin Filin wasan, an hangi wani yaro ɗan ƙasar ya karanta Ayoyi daga cikin Al-Ƙur'ani mai girma.

Gasar cin Kofin duniya.
Abubuwa 6 da Qatar Ta Yi Da Suka Ɗaga Darajar Musulunci a Gasar Kofin Duniya 2022 Hoto: thenation
Asali: Twitter

Matashin yaron da Jarumi Freeman ne suka yi wa kowa maraba da zuwa kuma miliyoyin mutane ne suka kalli bikin a faɗin duniya.

Legit.ng Hausa ta tattaro muku wasu matakai da ƙasar Qatar ta ɗauka domin kariya da kuma haɓaka Addinin Musulinci a kwanaki 28 na wasannin cin Kofin duniya.

Kara karanta wannan

‘Yan Majalisa Za Su Fara Binciken ‘Son Kai’ da Aka Yi Wajen Daukar Ayyuka a Gwamnati

DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka

Jerin abubuwa 6 da Qatar ta yi

1. Haramta sayar da Barasa a Filayen wasanni Takwas: Kwanaki biyu gabannin fara gasar, "Hukumar kwallon ƙafa ta duniya FIFA ta sanar da haramta sayar da Giya a filayen wasannin Qatar a Kofin Duniya."

2. Gatar ta tsara Allunan sanarwa a jikin bango ɗauke da Hadisin Manzon Allah (Tsira da Amincin Allah su ƙara tabbata a gareshi) a birnin Doha gabanin fara wasanni.

3. Ƙasar ta kuma sanya wasu alamomi a ɗakunan Otal Otal inda magoya bayan ƙungiyoyi zasu iya fahimtar Addinin Musulunci dai-dai da ra'ayoyinsu da Harsunansu.

4. Qatar ta sauya Ladanai masu kiran Sallah a Masallatai sannan ta kawo masu muryoyi masu daɗin sauraro. Haka nan an sanya Lasifiƙu a Filayen wasanni.

5. Cibiyar kula da baƙi ta ƙasar Qatar ta shirya masu wa'azi 2,000 waɗanda zasu kira mahalarta gasar zuwa Addinin Musulunci, ta ware musu motoci da Runfuna.

Kara karanta wannan

Jerin Talakawan Dake jihohin Gombe, Yobe, Taraba, Bauchi, Borno, Adamawa: NBS

6. Daga ƙarshe, ma'aikatar Awqaf ta shirya haska Addinin Musulunci ga Baƙin da suka halarci gasar a Harsunan duniya daban-daban.

Haka nan kuma ta shirya wuraren yin Sallah da Alwala a filayen wasanni, ƙaro na farko a tarihin gasar cin kofin duniya.

‘Dan Gwamna Yayi Kira ga Hukumomin Qatar da Su Halaka Duk Wanda ya Shiga Filin Wasa da Giya

A wani labarin kuma Ɗan Gwamnan Kaduna Ya yi kira ga hukumomin Qatar da su ɗauki tsattsauran mataki kan duk wanda ya saɓa Dokar giya a filayen wasa

Bashir El-Rufai, ya ja hankalin masu amfani da kafafen sada zumunta yayin da ya nemi a halaka duk wanda aka kama da giya a filayen wasanni yayin Kofin Duniya.

Qatar dai ta ɗauki tsauraran matakai domin kaucewa saɓa wa Addinin Musulunci yayin kwanaki 28 da za'a yi ana fafatawa a gasar.

Asali: Legit.ng

Online view pixel