Kullu nafsin: Bayan shekaru 70 yana sallah a bayan limamin Ka'aba, Allah ya karbi rayuwarsa

Kullu nafsin: Bayan shekaru 70 yana sallah a bayan limamin Ka'aba, Allah ya karbi rayuwarsa

  • Allah ya yiwa Sheikh Muhammad bin Abdul-Wahhab Aal Ash-Sheikh, attijon da ya shafe tsawon shekaru 70 yana sallah a bayan limaman Masallacin Ka’aba rasuwa
  • Sheikh Muhammad ya amsa kiran mahaliccinsa ne a ranar Laraba, 25 ga watan Mayu, a wani asibitin Jiddah
  • Marigayin ya yi sallah a bayan Limaman Masallaci mai tsarki da dama kuma yana yawan bayyana a bidiyo tsaye a bayansu

Saudiyya - Dattijon da ya shafe tsawon shekaru 70 yana sallah a bayan limaman Masallacin Ka’aba, Sheikh Muhammad bin Abdul-Wahhab Aal Ash-Sheikh, ya kwanta dama.

Sashin Hausa na BBC ya ruwaito cewa Sheikh Muhammad ya rasu ne a ranar Laraba, 25 ga watan Mayu, a wani asibiti da ke Jiddah, babbar birnin kasar Saudiyya.

Kara karanta wannan

Malamin makaranta ya yi wa Dalibansa duka a aji, a karshe wani yaro ya mutu

Kullu nafsin: Bayan shekaru 70 yana sallah a bayan limamin Ka'aba, Allah ya karbi rayuwarsa
Kullu nafsin: Bayan shekaru 70 yana sallah a bayan limamin Ka'aba, Allah ya karbi rayuwarsa Hoto: BBC Hausa
Asali: UGC

Marigayin ya kasance daga cikin mutanen da suka samu falalar yin sallah a bayan limaman Masallacin Harami, ya kuma shafe tsawon shekaru 70 a wannan matsayin.

Ana yawan ganinsa a bidiyo a bayan limaman a cikin shekara 10 da suka wuce.

DUBA: Bibiyemu a Instagram don samun labarai masu muhimmanci kai tsaye cikin manhajar

Sunaye, hotuna da bidiyoyin kira'ar limamai 6 na Masallacin Annabi da ke Madina

A wani labari na daban, ba tare da tantama ba, zama limamin masallacin Annabi shi ne abu mafi girma, karramawa da alfahari a duniyar Musulunci baki daya. Ba kowa Allah madaukakin Sarki ke bai wa irin wannan damar da karamar ba.

Duk da gwamnatin Saudi Arabiya ce ke nada limamai, dole ne a cike wadannan ka'idojin hudu kafin zama limamin masallacin Annabi, kamar yadda Argaam suka ruwaito.

  1. Kasancewar mutum mazaunin kasar Saudi na dindindin.
  2. Kaiwa shekaru 30 ko sama da haka.
  3. Mallakar digiri a fannin shari'a daga wata jami'ar Saudi.
  4. Haddace Qur'ani da kira'a mai dadi.

Kara karanta wannan

Borno: Jirgin NAF ya yi amon wuta kan tawagar Boko Haram/ISWAP, 'yan ta'addan sun salwanta

Asali: Legit.ng

Online view pixel