Rai mai alkawari: Ana dab da jefa tsoho a ma'adanar gawawwaki, an gano da ransa bai mutu ba

• An kusa kai wani dattijo dan kasar China, mai suna Jeffrey Mensah ma'adanar gawawwaki bayan an yi kuskuren sanar da mutuwarsa
• An sanya wa mutumin likkafini, tare da aje shi cikin makara, yayin da ma'aikatan ma'adanar gawawwakin suka yi mamakin gano cewa yana da ransa lokacin da suke kokarin ajiye shi
• Hankalin masu amfani da yanar gizo ya matukar tashi, duba da yadda aka kusa birne mutumin da a ce ba a gano yana da rai ba

An kusa birne wani dattijo mazaunin Shanghai da ransa, bayan an yi zaton ya mutu, inda aka kai shi ma'adanar gawawwakin a likkafini a babban birnin da cutar Korona tayi kamari, yayin da miliyoyin mutane ke cikin kullen gwamnati.

CNN sun ruwaito bidiyon yadda wani da ke tsaye a wurin ya dauka, wanda ke nuna ma'aikatan da ke sanye da takunkumin kariyar gaba daya jiki, yayin da suka gane cewa mutumin na da rai.

Kara karanta wannan

Sokoto: Bishop Kukah ya yi martani kan kashe dalibar da ta yi batanci ga Annabi

Bidiyon da aka wallafa a ranar Lahadi na nuna kan mutumin daga rigar gawa mai kalan dorawa inda ma'akatan suka dauko gawar daga mota.

Za a iya jiyo muryar wanda ya dauki bidiyon, daga wani gini kusa da wurin yana cewa:

"Asibiti yanzu ya zama shirme. Suna sanar da rayayyun mutane a matsayin mattatu. Ma'aikatan ma'adanar gawawwakin sun ce suna da ransu. Hakan bai kyautu ba."

Masu amfani da yanar gizo sun fusata a Weibo, wani shafi mai kama da Twitter na kasar China. Mutane da dama basu yarda irin wannan babban kuskuren zai iya faruwa ba.

Wani ya yi tsokaci: "Wannan karon matsalolin Shanghai sun bayyana karara,"

Wani ya rubuta: "Wannan yana nuni da kashe mutanen fadin duniya da ganganci."

An tsinta gawar magidanci da budurwa a mota, sun mutu suna tsaka da 'kece-raini'

Kara karanta wannan

'Karin Bayani: Buhari Ya Roƙi ASUU Ta Janye Yajin Aiki, Ya Ba Wa Ɗalibai Haƙuri

A wani labari na daban, an tsinta gawar wani mutum da wata mata wadanda aka gano sun mutu a cikin mota kirar SUV yayin da suke tsaka da jima'i.

The Nation ta ruwaito cewa, an tsinta gawarsu a daren Lahadi a rukunin gidaje na Jakande da ke Isolo a jihar Legas yayin da makwabta da suka balle motar bayan sun lura da injinta a kunne tun daga ranar Asabar.

Mutumin mai suna Koyejo ya dauka masoyiyarsa wacce ba a san sunanta ba yayin da yake hanyarsa ta zuwa gidan iyayensa da ke rukunin gidaje na Jakande a Isolo kamar yadda abokansa suka yi ikirari.

Asali: Legit.ng