Ta leko ta koma: Shugaba Buhari ya janye nadin da ya yi a Hukumar NPRA bayan kwana 12

Ta leko ta koma: Shugaba Buhari ya janye nadin da ya yi a Hukumar NPRA bayan kwana 12

  • A watan Satumban nan ne shugaban Najeriya ya nada sabon shugaban NPRA
  • Bayan makonni biyu rak sai aka ji an canza Sarki Auwalu da Farouk Ahmed
  • Muhammadu Buhari ya aika wa Majalisa wasika, yana so a tantance Ahmed

Abuja Premium Times tace shugaban Najeriya Muhammadu Buhari ya nada Farouk Ahmed a matsayin shugaban sabuwar hukumar man fetur na kasa NPRA.

Shugaban kasa Muhammadu Buhari yace Alhaji Farouk Ahmed zai canji Sarki Auwalu wanda kafin yanzu aka bada sunansa a matsayin sabon shugaban NPRA.

A ranar 16 ga watan Satumba, 2021, aka tura wa majalisa sunan Sarki Auwalu, ana neman a tantance shi a kujerar NPRA, da rabon dai ba zai rike mukamin ba.

Bayan ‘yan kwanaki sai fadar shugaban kasa ta bada sunan wani dabam, ya maye gurbin Auwalu.

Read also

An cafke wani sojan karya da abokinsa da ke samar wa da 'yan bindiga hanyoyin sadarwa

Meyasa Buhari ya canza Sarki Auwalu?

Ba tare da yin wani bayani a wasikar ba, shugaba Muhammadu Buhari ya bada sanarwar nada Farouk Ahmed. A yanzu ana jiran majalisar dattawa ta tantance shi.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Shugaba Buhari
Muhammadu Buhari Hoto: thenewsguru.com
Source: UGC

A sabuwar wasikar, shugaban kasar ya bayyana wa Sanatoci cewa ya canza wanda ya ba kujerar ne kamar yadda sashe na 34(3) na dokar mai ta PIA 2021 ta tanada.

A shekarar banan nan ne shugaba Buhari ya rattaba hannu a kan dokar mai ta PIA da aka dade ana jira.

Jaridar tace na-kusa da masu rike da madafan iko suna kokarin ganin mutanensu sun samu mukamai masu tsoka a hukumomi da ma’aikatan fetur na tarayya.

Ganin yadda ake da kyakkyawar alaka tsakanin mai girma shuaban kasa da majalisar tarayya, ana sa rai ba da dade wa ba Sanatoci za su tantance nadin Ahmed.

Read also

Yadda sojoji suka bankado yunkurin ISWAP na kai wa tubabbun Boko Haram farmaki

Da zarar ‘yan majalisa sun tantance shugaban hukumar ta NPRA, zai shiga ofis. Jaridar PM News tace an karanto wasikar shugaban kasar a majalisa a ranar Talata.

Tsarin ESP ya taimaka

A wajen wani taro da aka yi, mataimakin shugaban kasa, Yemi Osinbajo ya bayyana dabarar da Gwamnatin tarayya ta yi yayin da ake fama da annobar Coronavirus.

Farfesa Osinbajo yace tsare-tsaren tattalin arziki ya ceci kananan sana’o’in Bayin Allah. Osinbajo yace dabarun da aka kawo, sun hana tattalin arzikin kasar ruguje a wa.

Source: Legit.ng

Online view pixel