Janar Faruk Yahaya: Za mu ji da 'yan bindiga da yaren da suke fahimta

Janar Faruk Yahaya: Za mu ji da 'yan bindiga da yaren da suke fahimta

  • Babban hafsun soji ya sake jaddada batun shugaba Buhari na cewa, za a ji da 'yan bindiga da yaren da suke fahimta
  • Yayi wannan bayanin ne jiya Laraba a 15 ga watan Satumba a babban birnin tarayya Abuja
  • Ya kuma yi kira ga 'yan bindiga da su guje haduwarsu da sojoji tunda su basa son zaman lafiya

Abuja - Babban Hafsan Sojoji (COAS), Laftanal Janar Faruk Yahaya, ya ce za a bi da ‘yan bindiga, masu tayar da kayar baya da masu garkuwa da mutane “cikin yaren da suke fahimta.”

Ya bayyana hakan ne a jiya Laraba 15 ga watan Satumba yayin bikin rufe wani taro da babban hafsan sojan ya hada kashi na biyu da na uku a Abuja, Premium Times ta ruwaito.

Kalaman shugaban sojojin sun fito ne a yayin da ake samun karuwar hare-hare daga ‘yan bindiga a fadin kasar, wanda ke haddasa kashe-kashe da sace mutane.

Read also

'Yan ta'adda da 'yan bindiga sun mamaye murabba'in mita 1,129 na gandun dajin Najeriya

Yahaya ya ce sojoji na ci gaba da jajircewa kan aikinsu na tabbatar da zaman lafiya da tsaro a kasar.

Janar Faruk Yahaya: Za mu ji da 'yan bindiga da yaren da suke fahimta
Janar Faruk Yahaya, shugaban hafsun soji | Hoto: thecable.ng
Source: Facebook

Kamar yadda NAN ta ruwaito Yahaya, yana cewa:

"Ina so in yi amfani da wannan damar in shawarci wadanda ke rura wutar rikicin da ake gani a fadin kasar nan da su daina ayyukan rashin kishin kasa, kamar yadda muka dage kan tabbatar da dawowar zaman lafiya a kowane bangare na kasar nan cikin lokaci kalilan."

'Yan ta'adda da 'yan bindiga sun mamaye murabba'in mita 1,129 na gandun dajin Najeriya

Ibrahim Musa Goni, babban jami'i kuma masanin kula da gandun daji a hukumar NPS, ya ce 'yan bindiga da masu tayar da kayar baya sun mamaye murabba'in 1,129 na gandun dajin kasar, TheCable ta ruwaito.

Read also

Shugabannin Boko Haram matsorata ne: Tubabben kwamandansu ya tona asiri

Da yake magana lokacin da ya ziyarci Lucky Irabor, babban hafsan tsaro (CDS), a ofishinsa da ke Abuja ranar Talata 14 ga watan Satumba, Goni ya ce tawagarsa a shirye take ta hada gwiwa da sojoji wajen kawar da 'yan bindiga da masu tayar da kayar baya.

Goni ya ce an kafa ayyukan gandun daji ne don karewa da kuma kare rayayyun halittu a yankunan da aka sani da wuraren shakatawa na kasa, wuraren adana namun daji da kuma gandun daji.

Benjamin Sawyerr, daraktan watsa labarai na Hedkwatar Tsaro, ya nakalto yana fadi a cikin wata sanarwa cewa:

"Wadannan wuraren ajiyar gandun daji da wuraren shakatawa na kasa wadanda ke da murabba'in 1,129 sun zama maboyar 'yan bindiga da' yan ta'adda."

Akidar Boko Haram yaudara ce tsagwaronta

A wani labarin daban, Wani tsohon kwamandan ‘yan ta’addan Boko Haram, Adamu Rugurugu, ya ce ya yi watsi da ta’addanci ne sakamakon gano cewa akidar 'yan ta’addan Boko Haram zamba ce.

Read also

Da dumi-dumi: ‘Yan bindiga sun kai farmaki gidan yari, sun saki fursunoni 240 sannan suka kashe sojoji a Kogi

A cikin bidiyon da PRNigeria ta samu, kasurgumin dan ta'addan ya ce manyan shugabannin kungiyar a koyaushe za su aika su a kashe su ne a fagen daga, tare da yaudarar su cewa aljanna ce za ta zama makomar su idan an kashe su.

A cewar Mista Rugurugu, manyan shugabannin Boko Haram ba sa iya tunkarar sojoji sai dai buya daga baya suna amfani da mayakansu wajen kai hare-haren kan sojoji a arewa maso gabas.

Source: Legit.ng

Online view pixel