Gwamna Masari Zai Katse Hanyoyin Sadarwa a Kananan Hukumomi 3 Na Jihar Katsina

Gwamna Masari Zai Katse Hanyoyin Sadarwa a Kananan Hukumomi 3 Na Jihar Katsina

  • Gwamnan Katsina, Aminu Bello Masari, ya bayyana shirin gwamnatinsa na datse hanyoyin sadarwa a wasu kananan hukumomi
  • Masari yace waɗannan matakai da ake ɗauka zasu shafi mutane a hanyar cin abincinsu amma ya zama wajibi
  • Gwamnan ya kuma sanar da hana cajin waya a faɗin kananan hukumomi 19 daga cikin 34 dake Katsina

Katsina - Gwamna Aminu Bello Masari na jihar Katsina, yace gwamnatinsa na duba bukatar datse hanyoyin sadarwa a kananan hukumomin Funtua, Bakori da Malumfashi, kamar yadda This Day ta ruwaito.

Gwamnan yace zai ɗauki wannan matakin ne a wani ɓangare na kokarin dakile ayyukan yan bindiga a jihar.

Masari ya bayyana haka ne ranar Litinin, yayin ƙaddamar da kwamitin da zai saka ido kan sabuwar dokar tsaro da gwamnan ya sawa hannu a gidan gwamnati.

Read also

Zamu Duba Yiwuwar Kafa Dokar Hana Makiyaya Kiwon Fili a Jihar Shugaban Kasa, Gwamna

Gwamna Masari na Jihar Katsina
Gwamna Masari Zai Katse Hanyoyin Sadarwa a Kananan Hukumomi 3 Na Jihar Katsina Hoto: dailypost.ng
Source: UGC

Shin dagaske Gwamnatin Katsina ta hana cajin waya?

A wani cigaban kuma, gwamna Masari ya sanar da hana yan kasuwa masu cajin waya a ƙananan hukumomi 19 cikin 34 dake faɗin jihar.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Channels TV ta ruwaito Masari na cewa:

"Muna da yakinin cewa wannan wani ɓangare ne da ke taimakawa yan bindiga wajen samun isasshen sadarwa."

An hana siyar da man fetur a wasu yankuna

Gwamnan yace matakan da gwamnati ke ɗauka ko shakka babu zai shafi kuɗin shigar al'umma amma ya zama wajibi ne a halin yanzu.

Bugu da kari Masari yace waɗannan matakan zasu taimaka wajen hana yan fashi amfani da sabis na sadarwa da wasu abubuwan more rayuwa.

A jawabinsa yace:

"Muna da yakinin cewa da wannan matakin da kuma wanda muke shirin ɗauka tare da ma'aikatar sadarwa zasu taimaka wajen dawo da zaman lafiya a yankin mu."

Read also

Bayan Datse Sabis a Zamfara, Gwamnatin Tarayya Ta Yi Magana Kan Datse Sabis Na Sadarwa a Jihar Katsina

"Mun dakatar da siyar da man fetur a Funtua, Bakori da Malumfashi, kuma muna duba yuwuwar datse sauran hanyoyin sadarwa a waɗannan ƙananan hukumomin."

A cewar gwamna Masari, ya kamata mutane su gane cewa babban abokan gaba sune masu baiwa yan ta'addan bayanai saboda haka ya zama wajibi a magance su a sahun farko.

A wani labarin kuma Yan Bindiga Sun Sace 'Ya'yan Basarake Guda Hudu a Jihar Katsina

Wasu miyagun yan bindiga sun yi awon gaba da 'yayan dagacin ƙauyen Sabuwar ƙasa a jihar Katsina.

Harin ya zo awanni 24 kacal bayan wasu mahara sun sace kanwar mataimakin kakakin majalisar dokokin jihar.

A cewar wani mazaunin ƙauyen, yan bindiga sun kai hari ƙauyen Sabuwar Ƙasa, karamar hukumar Kafur, da safiyar Litinin, inda suka yi awon gaba da ƴaƴan Alhaji Hamza Umar.

Source: Legit.ng

Online view pixel