Labari Cikin Hotuna: Buratai Ya Gana da Shugaban Kasar Benin, Inda Ake Shari'ar Sunday Igboho
- Sabon jakadan Najeriya a ƙasar Benin, Tukur Yusuf Buratai, ya gana da shugaban ƙasar, Patrice Taron
- Ganawar manyan mutanen biyo ta zo dai-dai lokacin da aka cafke ɗan fafutukar kafa kasar yarbawa, Igboho
- An cafke Sunday Igboho ne a Kwatano yayin da yake kokarin tserewa zuwa kasar Germany
Jamhuriyar Benin: Jakadan Najeriya a Benin, Tukur Yusuf Buratai, ya gana da shugaban ƙasar, Patrice Talon, kamar yadda dailytrust ta ruwaito.
Buratai ya gana da shugaban ne domin gabatar da kansa da takardar fara aikinsa a matsayin jakadan Najeriya a Benin.
Asali: UGC
A kwanakin baya shugaban ƙasa ya bayyana naɗa Buratai a matsayin jakadan Najeriya a ƙasar jamhuriyar Benin, kamar yadda punch ta ruwaito.
Ko Buratai ya yi maganar Igboho?
Ganawar Buratai da Talon tazo dai-dai lokacin da aka cafke shugaban yan tawaren yarbawa, Sunday Igboho, a ƙasar ta Benin.
Igboho, wanda aka kama a Kwatano yayin da yake kokarin tserewa zuwa ƙasar Germany.
Shugaban yan fafutukar ya tsere ne daga Najeriya bayan jami'an tsaron farin kaya (DSS) sun kai hari inda yake zaune, daga baya kuma suka bayyana nemansa ruwa a jallo.
Hotunan Buratai tare da Taron, Shugaban Benin
Asali: UGC
Asali: UGC
A wani labarin kuma Kotu Ta Dage Sauraron Karar Sheikh Abduljabbar, Zai Cigaba da Zama a Gidan Gyaran Hali
Kotun shari'ar Musulunci dake Kofar Kudu ciki garin Kano, ranar Laraba, ta dage sauraron karar sheikh Abduljabbar Kabara har sai 18 ga watan Agusta, 2021.
Gwamnatin Kano ta shigar da ƙarar shehin malamin bisa zargin batanci ga Annabi Muhammad (SAW) da kuma wuce gona da iri.
Asali: Legit.ng
