Jerin Manyan Jami'ai 14 da Shugaban Hafsun Soji Ya Nada Bayan Tabbatar Dashi

Jerin Manyan Jami'ai 14 da Shugaban Hafsun Soji Ya Nada Bayan Tabbatar Dashi

  • Shugaban hafsun Soji, Manjo Janar Faruk Yahaya ya yi sabbin nade-nade a rundunar sojin Najeriya
  • Nade-naden sun biyo bayan tabbatar dashi a matsayin shugaban rundunar sojin Najeriya a baya-bayan nan
  • An nada jami'an ne da nufin kawo sauye-sauye inganci a hukumar tsaro ta sojin Najeriya baki daya

Shugaban hafsun soja, Manjo Janar Farouk Yahaya, ya amince da nadin Manyan Ma’aikatan Jami’ai (PSOs), Kwamandoji da sauran manyan ma’aikata wadanda za su samar da karfin da ake matukar bukata a cikin rundunar ta sojojin Najeriya (NA).

An bayyana hakan ne ta hanyar sanarwar NA da Sashen Sakataren Soja ya fitar, a karshen mako.

A wata sanarwa daga Daraktan Hulda da Jama'a na rundunar Birgediya Janar Onyema Nwachukwu, wacce Legit.ng Hausa ta samo daga jaridar The Nation, an tattaro sunaye da mukaman da aka nada jami'an.

KARANTA WANNAN: Abu Kamar Wasa: Yadda Yara 10 Sun Bakunci Lahira Bayan Cin Tuwon Dawa

Shugaban Hafsun Soja Ya Yi Sabbin Nade-Nade a Rundunar Sojin Najeriya
Shugaban Hafsun Sojojin Najeriya | Hoto: arise.tv
Source: UGC

Legit.n Hausa ta tattaro sunaye da sabbin mukaman da aka nada kamar haka:

  1. Maj.-Gen. Ibrahim Yusuf, wanda shi ne Babban Jami'in Tsaro (Sojoji), yanzu shi ne Kwamanda, Makarantar Tsaro ta Najeriya (NDA)
  2. Maj.-Gen. B.O Sawyer shine sabon Daraktan yada labarai na Tsaro
  3. Maj.-Gen. TA Gagariga zai tashi daga Hedikwatar Soja, Sashin Manufofi da Tsare-tsare, zuwa Rundunar Artillery a matsayin Kwamanda
  4. Maj.-Gen. Victor Ezugwu ya zama Kwamanda, Rundunar Yankuna
  5. Maj.-Gen. MA Yekini shine sabon Babban Jami'in Harkokin Tsaro da Ayyuka
  6. Maj.-Gen. MS Yusuf ya karbi matsayin Babban Jami'in Tsaro da Kimantawa
  7. Maj.-Gen. Anthony Omozoje shi ne sabon shugaban tsare-tsare (Sojoji)
  8. Maj.-Gen. SO Olabanji shine Kwamanda, Horo da Rukunan Dokoki (TRADOC)
  9. Maj.-Gen. OA Akintade shi ne sabon Shugaban Rundunar Sojoji
  10. Maj.-Gen. OT Akinjobi yanzu shine Shugaban Ayyuka a Rundunar Sojoji
  11. Maj.-Gen. James Ataguba shi ne sabon Babban Jami'in Tsaro da Kimantawa
  12. Maj.-Gen. KI Mukhtar shine Shugaban Gudanarwa (Soja)
  13. Maj.-Gen. C Ofoche shine sabon Babban Jami'in Canji da Kirkira
  14. Maj.-Gen. An nada AB Ibrahim a matsayin shugaban horarwa (Sojoji)

KARANTA WANNAN: Jagorancin APC a Zamfara: Yariman Bakura Ya Magantu Kan Cancantar Gwamna Matawalle

Channels Tv ta bayyana cewa:

“COAS ya kuma amince da nadin Kwamandoji, Kwamandojin Cibiyoyin NA, Daraktoci da sauran manyan mukamai a matakan tsaro da na Soja. Nadin da ya ce an yi shi ne da nufin sake sauya fasalin aiki da inganci a cikin NA."

Wadannan nade-naden za su fara aiki nan take, sanarwar ta kara da cewa.

Majalisar Wakilai Ta Tabbatar da Nadin Manjo Faruk Yahaya

A bangare guda, Majalisar wakilai ta tabbatar da Faruk Yahaya a matsayin shugaban hafsan soji (COAS).

Majalisar dokokin ta tabbatar da shi bayan gabatar da rahoto daga Babajimi Benson, shugaban kwamitin tsaro, The Cable ta ruwaito.

Idan baku manta ba, majalisar dattijai a ranar Talatar da ta gabata ne ta tabbatar da Yahaya a matsayin COAS.

Legit.ng Hausa ta gano cewa, yayin gabatar da rahoton, Benson ya ce Yahaya ya cika dukkan bukatun da ake fata daga gare shi. Ya ce shugaban sojojin ya amsa duk tambayoyin da kwamitin ya yi masa yayin bincike"yadda ya dace".

Source: Legit

Online view pixel