Da dumi-dumi: An yi wa shugaba Buhari rigakafin Korona yanzun nan

Da dumi-dumi: An yi wa shugaba Buhari rigakafin Korona yanzun nan

- Shugaban kasa Muhammadu Buhari a yau yayi allurar rigakafin Covid-19 ta AstraZeneca

- Shugaban kasar shine na farko daga cikin manyan masu rike da ragamar mulki da suka yi

- A jiya Juma'a ne aka fara yin rigakafin a kan ma'aikatan lafiya a babban birnin tarayya Abuja

A ranar Asabar ne aka yiwa Shugaban kasa, Manjo Janar Muhammadu Buhari (mai ritaya) allurar rigakafin COVID-19, The Punch ta ruwaito.

Buhari ya yi rigakafin ne da misalin karfe 11.51 na safe a wani takaitaccen bikin da manyan jami’an gwamnati suka halarta a dakin taro na New Banquet da ke Fadar Shugaban Kasa dake Abuja.

Babban likitan kansa, Dr Shuaib Rafindadi Sanusi ne ya yiwa shugaban kasar allurar ta rigakafin, yayin da mataimakin shugaban kuma Dr Nicholas Odifre, likita na musamman ga mataimakin shugaban kasar, in ji jaridar The Nation.

KU KARANTA: Jami'in soja ne ke samarwa 'yan bindiga alburusai da kakin soja a Zamfara

Da dumi-dumi: An yi wa shugaba Buhari rigakafin Korona yanzun nan
Da dumi-dumi: An yi wa shugaba Buhari rigakafin Korona yanzun nan Hoto: Channels Tv
Source: UGC

Shugaban kasar shi ne na farko a cikin manyan fitattun kasar da suka yi allurar bayan da aka yiwa wasu ma’aikatan lafiya na gaba a cibiyar kula da asibitin kasa dake Abuja, a ranar Juma’a.

Hukumar ta Kula da Abinci da Magunguna da Kula da shi a safiyar ranar Juma'a ta tantance allurai miliyan 3.924 na maganin AstraZeneca wanda ya iso Najeriya ranar Talata don amfani da shi a kasar.

KU KARANTA: Tsohon Sarkin Kano Sanusi Lamido Sanusi ya samu matsayi a jihar Kaduna

A wani labarin, Tsohon shugaban kasa Olusegun Obasanjo a ranar Juma’a ya bayyana cewa ya yi gwajin kwayar cutar Coronavirus, Daily Trust ta ruwaito.

Ya sanar da labarin ne a Abeokuta, babban birnin jihar Ogun, yayin da yake magana a wani taron tattaunawa da aka shirya don bikin cikawarsa shekaru 84 da haihuwa.

Shirin an gudanar dashi ne a cikin dakin karatun shugaban kasa na Olusegun Obasanjo (OOPL), Abeokuta. Obasanjo, wanda ya ce ya ɗan damu game da hakan, ya kara da cewa dole ne ya yi kira ga 'yarsa, Dokta Iyabo Obasanjo-Bello, masaniyar annoba.

Salisu Ibrahim, mai rubutu a masana'antar Legit.ng Hausa da ya fara aiki a baya-bayan nan. Ya kware wajen kawo rahotanni na siyasa, kimiyya, al'adu da sauran lamurran yau da kullum.

Ya yi karatun diploma a fannin karantar da turanci a jami'ar Ahmadu Bello, ya kuma karantar na tsawon shekaru 7.

A halin yanzu yana zangon karshe na karatun digiri a fannin ilimin fasahar sadarwa a International Open University.

Ku bibiyi shafinsa na twitter a @therleez

Source: Legit Nigeria

Online view pixel