Ministan sufurin jiragen sama, Hadi Sirika ya rasa shugaban ma'aikatansa
- Ibrahim Idris, fitaccen shugaban ma'aikatan ministan sufurin jiragen sama, Hadi Sirika ya rasu
- Idris wanda yake shugabantar ma'aikatan ministan sufuri ya rasu a daren Lahadi, 14 ga watan Fabrairu
- Ma'aikatar sufurin jiragen sama ta tarayya ce ta sanar da rasuwar idris a safiyar Litinin, 15 ga watan Fabrairu
Ministan sufurin jiragen sama, Hadi Sirika, ya rasa shugaban ma'aikatansa, Ibrahim Idris a daren Lahadi, 14 ga watan Fabrairun 2021.
A safiyar Litinin, 15 ga watan Fabrairun 2021 ne ma'aikatar sufurin jiragen saman ta sanar da wannan lamarin mai cike da alhini da dimuwa a shafinta na Twitter.
KU KARANTA: Za a iya samun kwanciyar hankali bayan rabuwa, zubar da kiyayya ake yi, Rahama Indimi
Asali: Twitter
Kamar yadda ma'aikatar ta wallafa a shafinta na Twitter: "Daga Allah muke, gare shi za mu koma. Tare da fawwalawa Allah dukkan lamurra muke sanar da rasuwar Dr. Ibrahim Idris, shugaban ma'aikatan mai girma Hadi Sirika a daren jiya.
"Mutum mai matukar kokari, tsoron Allah da saukin kai. Allah ya yafe masa ya kuma saka shi a Aljannah."
Sirika, ministan sufurin jiragen sama ya yi martani a kan rashin shugaban ma'aikatansa da yayi a shafinsa na Twitter.
Ya kwatanta mamacin da mutum mai gaskiya da rikon amana wanda yayi rayuwa mai kyau tare da mu'amala mai kyau da jama'a.
KU KARANTA: Za mu yi ramuwar gayya idan aka hana makiyaya zaman kudu, Kungiyar Fulani
A wani labari na daban, dakarun sojin Najeriya sun halaka gagararrun kwamandoji biyu na Boko Haram, Abul-Bas da Ibn Habib a Banki, kusa da Pulka a jihar Borno kamar yadda PM News ta wallafa.
Kamar yadda aka gano, kwamandojin biyu tare da masu tsaronsu da mayaka duk an kashe su a ranar Juma'a bayan sojin Najeriya sun kai musu hari.
Abul-Bas da Ibn Habib na daga cikin manyan kwamandojin Boko Haram amma na bangaren Shekau wadanda ke ta'adi a dajin Sambisa da kewaye.
Aisha Khalid ma'aikaciyar jaridar Legit.ng ce mai fatan shahara. Ta samu digirinta na farko a jami'ar Ahmadu Bello da ke Zaria a shekarar 2018.
Ta kwashe shekaru biyu tana rubutu a fannonin siyasa, nishadi, tsegumi da sauransu.
Za a iya bibiyar Aisha a shafinta na Twitter @DiyarKatsinawa
Asali: Legit.ng
