Bidiyon mayakan ISWAP suna kashe wasu 'yan Najeriya 5 ya gigita jama'a

- Shahararriyar kungiyar ta'addanci ta ISWAP ta saki wani bidiyo wanda ya firgita jama'a

- A bidiyon, an ga yadda mayakan suka halaka wasu mutum 5 'yan Najeriya da suka sace

- Sun ce hakan ramuwa ce ga Kiristoci na Najeriya da na sauran duniya baki daya

Kungiyar ta'addanci ta ISWAP ta bayyana bidiyon yadda ta halaka wasu Kiristoci da ta cafke a cikin kwanakin nan a arewa maso gabas na kasar nan.

Bidiyon ya fita a ranar Talata a sa'ar da bangaren Shekau na Boko Haram suka halaka wasu mafarauta 7 a Borno sannan suka raunata wasu 19.

A bidiyon mai tsayin dakika 49, an ga 'yan ta'addan inda suka rufe fuska a tsaye dauke da bindigogi da kuma wasu mutane gurfane a gabansu.

KU KARANTA: Saraki: Dalilin da yasa majalisa karkashin mulkina ta ki amincewa da wasu nade-naden Buhari

Kamar yadda aka ji daya na sanarwa, za su kashe mutane biyar din ne a matsayin ramuwa da kuma aike sako ga Kiristocin Najeriya da na duniya gaba daya.

Kammala jawabin ke da wuya suka bindigesu ta keya.

KU KARANTA: Zabgegiyar budurwar da tayi wuff da dukulkulin saurayi ta bayyana tsabar sonsa da take (Hotuna)

A wani labari na daban, an kashe shugaban kungiyar mafarauta na jihar Adamawa, Young Mori, a wata musayar wuta da suka yi da 'yan bindiga a jihar Kaduna, kamar yadda iyalansa da wasu majiyoyi suka tabbatar.

Mori yana daya daga cikin mafarautan da aka gayyata don kokarin yaki da 'yan ta'adda a jihohin arewa. Shugaban kungiyar, Salihu Wobkenso, ya tabbatar da faruwar lamarin. A cewarsa, an kashe Mori ne a Kaduna.

"Wannan mummunan labari ne ga mafarautanmu. Young Mori, daya daga cikin jaruman mafarautan jihar Adamawa daga karamar hukumar Guyuk ya riski ajalinsa a jihar Kaduna. Masu kiwon shanu sun kashe shi da safiyar yau."

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng