Labarai

El-Rufa'i ya sauke sakatarorin ilimi 23, ya sauke shugaban CSDA, ya nada Sauda Ayotebi

Talata, Disamba 22, 2020 at 10:48 Yamma daga Mudathir Ishaq 2 - tsawon mintuna

- Nasir El-Rufa'i, gwamnan Kaduna, ya sauke sakatarorin ilimi na kananan hukumomin jihar 23

- Kazalika, gwamnan ya sauke shugaban hukumar CSDA tare da maye gurbinsa da Sauda Amina-Ayotebi

- Gwamnan ya ce an yi sauye-sauyen ne domin inganta aikin gwamnati a jihar Kaduna

Gwamnan jihar Kaduna, Nasir El-Rufa'i, ya sauke dukkan sakatarorin ilimi na kananan hukumomi 23 da ke Kaduna.

A cikin sanarwar da mai taimakawa El-Rufa'i a kan yada labarai da sadarwa, Muyiwa Adekeye, ya fitar ya bayyana cewa gwamnan ya sauke shugaban hukumar CSDA.

A cewar sanarwar, gwamna El-Rufa'i ya bayyana cewa an yi sauye-sauyen ne domin kawo gyara da inganta ayyukan gwamnati a jihar Kaduna.

KARANTA: Facebook: Ango ya dakatar da daurin aure bayan amarya ta yi katobarar cewa za ta iya cin amanar aure akan N1m

El-Rufa'i ya sauke sakatarorin ilimi 23, ya sauke shugaban CSDA, ya nada Sauda Ayoteye
Asali: UGC

Sanarwar ta kara da cewa El-Rufa'i ya nada Saude Amina-Atoyebi a matsayin shugabar riko, janaral manaja, a CSDA.

"Manyan jami'ai a bangaren ilimi a kananan hukumomi za su rike ofishin sakatarorin da aka sauke har zuwa sanar da nada sabbi," a cewar sanarwar.

KARANTA: An wallafa hotunan wasu kayayyaki da Annabi Muhammad ya yi amfani da su

Wani bangare na sanarwar ya bayyana cewa, "Saude ta fara aikin gwamnati a shekarar 2015 bayan gwamna El-Rufa'i ya nada ta a matsayin mai bayar da shawara kafin daga bisani a nada ta a matsayin mai kula da bangaren walwala a 2019.

"Saude ta yi digiri a ilimin tsimi da tanadi a jami'ar ABU Zaria, kusa da mahaifarta Wusasa, kafin daga bisani ta yi digiri na biyu a jami'ar Coventry da ke Ingila."

A baya Legit.ng ta rawaito cewa gwamnatin jihar Kaduna ta kara dauki mataki na gaba bayan sanar da rufe makarantu da wuraren taron biki da gidajen rawa.

A wani sako da gwamnan jihar Kaduna, Nasir El-Rufa'i, ya fitar ya sanar da cewa ma'aikata kasa da mataki na 14 su cigaba da zama a gida.

Kaduna na daga cikin jihohin da ake ake samun hauhawar alkaluman masu kamuwa da korona a kowacce rana a 'yan kwanakin baya bayan nan.

Don sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Kaduna Gwamnan Jihar Kaduna Nasir El-Rufai