Labarai

Rashin tsaro: Sarkin Anka ya bukaci FG ta lamunce wa jama'a su dinga yawo da makamai

Litinin, Disamba 21, 2020 at 7:10 Safiya daga Mudathir Ishaq 2 - tsawon mintuna

- Sarkin Anka, Attahiru Muhammad Ahmad Anka, ya bayyana alhininsa a kan rashin tsaron kasar nan

- Basaraken ya ce har shugabannin gargajiya basu tsira ba daga matsalar rashin tsaron Najeriya

- Sarkin ya ce idan ba a yi komai ba a kai, mutane za su fara rike makamai don kare kansu da kansu

Sarkin Anka, Alhaji Attahiru Muhammad Ahmad Anka, yace gara gwamnatin tarayya ta baiwa kowa damar daukar makamai don kare kansa akan matsalar rashin tsaron dake addabar Najeriya.

Shugaban gargajiyan ya bayyana hakan a wata takardar wacce ya bayyana alhininsa akan harin da aka kaiwa sarkin Kaura Namoda.

Sarkin wanda ya bayyana damuwarsa akan hare-haren da ake kai wa shugabannin gargajiya, inda yace har yanzu ba ayi wani abu ba don dakatar da hare-haren.

Rashin tsaro: Sarkin Anka ya bukaci FG ta lamunce wa jama'a su dinga yawo da makamai. Hoto daga Dr Attahiru Ahmad
Asali: Facebook

KU KARANTA: APC: Za mu tabbatar da cewa abinda ya faru a Kankara bai sake faruwa

Sarkin yace sun gaji da hakurin da ake bayar wa idan an kai wa sarakuna hari, idan ba ayi wani abu ba, yakamata mutane su fara daukar makamai don kare kawunansu.

A wani labari na daban, gagagrumar gobara ta tashi a kwalejin ilimi na jihar Zamfara da ke garin Maru inda ta lamushe dakunan kwanan dalibai mata da ke makarantar, jaridar The Punch ta wallafa.

KU KARANTA: 'Yan sanda sun hargitsa 'yan bindiga, sun ceto dalibai 84 da shanu 12 a Katsina

Dr. Abdullahi Haruna, daya daga cikin manyan shugabannin makarantar ya sanar da Kamfanin Dillancin Labaran Najeriya hakan a garin Gusau a ranar Asabar.

Ya ce muguwar gobarar ta tashi ne a ranar Alhamis yayin da daya daga cikin daliban ke girki da risho dauke da kalanzir.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Zamfara Gwamnatin Najeriya