Labarai

Wilbur: Hotunan karen da ya lashe zaɓen kujerar magajin gari a Amurka

Jummaʼa, Nuwamba 06, 2020 at 12:36 Yamma daga Aminu Ibrahim 2 - tsawon mintuna

- Kare mai suna Wilbur ya lashe zaben kujerar magajin gari a wani yanki na jihar Kentucky mai suna Rabbit Hash a Amurka

- Tun shekaru da dama dabobi ne ake zaba a matsayin magajin gari a Rabbit Hash kuma har yanzu

- Kawo yanzu karnuka biyar ne suka rike mukamin magajin garin a tarihin garin na Rabbit Hash

Wani kare mai suna Wilbur mai watanni shida da haihuwa ya lashe zaben kujerar magajin gari (mayor) a Amurka. An zabe shi a matsayin magajin garin Rabbit Hash da ke Jihar Kentucky.

A cewar mai magana da yawun Wilbur - wadda shine mai karen, Amy Noland - wannan karamin garin da ke da al'umma kasa da 500 bai taba zaben dan adam a matsayin magajin gari ba.

Kare ya lashe zaben magajin gari a Kentucky. Hoto: @lindaikeji
Asali: Twitter

DUBA WANNAN: Mutanen gari sun fatattaki 'yan bindigan da suka kai musu hari a Zamfara

Wani mutumin garin a shekarun 1990s ne ya bada shawarar zaben dabobi a matsayin 'magajin gari' yayin wani taron neman tallafi na kungiyar tarihi kamar yadda Noland ya shaidawa NBC News.

Wilbur ya yi nasara kan Brynneth Paltrow da ke kan mulkin a yanzu kamar yadda LIB ta ruwaito.

A cewar wata mujallar Louisville, Wilbur ya samu kuri'u 22,985 wadda shine mafi yawa da aka taba kada wa a zaben garin.

Kawo yanzu karnuka biyar ne suka rike mukamin na 'magajin gari' a Rabbit Hash tun magajin garin na farko mai suna Goofy.

KU KARANTA: Ba ku isa kuyi mana mulkin mallaka ba - Kungiyar Dattijan kudu ga gwamnonin Arewa

Kawo yanzu, Noland ya ce Wilbur ya fara daukan sabon aikinsa da muhimmanci inda ya ke yawo a gari ana 'shafar cikinsu da kunensa'.

A wani labarin, magoya bayan shugaban Amurka, Donald Trump, cikinsu ana zargin wasu na ɗauke da bindigu, sun zagaye ofishin zaɓe na Maricopa County da ke Arizona suna zanga-zanga kan zabe.

Wani bidiyo da aka nuna a CNN, ya nuna magoya bayan Trump ɗauke da saƙonni da ke nuna rashin jin daɗinsu kan hasashen da ke nuna jam'iyyar Democrats za ta yi nasarar cin kwallejin zaɓe 11 a jihar.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Aminu Ibrahim (Hausa HOD) Aminu Ibrahim leads the Hausa Desk at Legit.ng. He holds a Bachelor's degree in Microbiology from Ahmadu Bello University, Zaria, and pursued further with a Master's degree in Environmental Microbiology from Federal University Dutse, Jigawa. With over seven years of experience, Aminu has honed his craft in news reporting and content editing, weaving narratives that captivate and inspire audiences: aminu.ibrahim@corp.legit.ng or +2348030996164