Labarai

Karamin soja ya budewa babban soja wuta a jihar Borno

Alhamis, Yuli 30, 2020 at 9:21 Yamma daga Mudathir Ishaq 1 - tsawon mintuna

Wani karamin soja da ake zargin ya na fama da ciwon matsananciyar damuwa (depression) ya budewa wani babban soja a ranar Laraba. Babban sojan ya mutu nan take.

Jaridar The Nation ta rawaito cewa lamarin ya faru ne a jihar Borno kuma har yanzu rundunar soji ba ta saki bayanan sojan da aka harbe ba.

Shi kansa sojan da ya yi kisan ba a bayyana sunansa ba bayan sanin cewa karamin soja ne da ke aiki da bataliya ta 202 a karkashin rundunar soji ta 21 da ke Bama a jihar Borno.

Kanal Sagir Musa, mukaddashin jami'in hulda da jama'a na rundunar soji, ya ce; "wani karamin soji da ke tare da bataliya ta 202 a runduna ta 21 da ke Bama a jihar Borno ya tubure da misalin da 10:30 na ranar 29 ga watan Yuli, 2020, tare da budewa babban soja wuta, lamarin da ya zama silar mutuwarsa.

"Ya bude ma sa wuta ne a lokacin da ya zo wurinsa shi kuma ya na magana a waya. An kama karamin sojan tare da fara gudanar da bincike. Yanzu al'amura sun koma daidai."

Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Maiduguri Jihar Borno Shugaban Sojojin Najeriya Labarin Sojojin Najeriya