Jerin Attajiran ‘Yan wasan kwallon kafan Najeriya da kudin da su ke samu a 2020

Jerin Attajiran ‘Yan wasan kwallon kafan Najeriya da kudin da su ke samu a 2020

Harkar kwallon kafa ta na cikin abin da ke kawo makudan kudi a Duniya. Ba a bar ‘yan wasan Najeriya a baya ba, inda shahararrun ‘yan kwallon kasar su ke wanke biyar, su tsoma goma.

Mun kawo maku jerin ‘yan kwallon Najeriya da irin albashin da su ke samu a kowane wata a kungiyoyinsu da ke kasashen waje. Mun tsakuro wannan bayani ne daga jaridar Pulse.

1. Odion Ighalo

‘Dan wasan aron na Manchester United ya na tashi da £130,000. A kudin Najeriya, hakan ya na nufin N71m su ke shiga hannun Tauraroron duk wata.

2. Victor Moses

Dan wasan gaban da ke bugawa Chelsea ya koma kungiyar Inter-Milan inda ya ke samun £110,000 (kimanin N60m) a wata.

3. Wilfred Ndidi

Shararren ‘dan kwallon tsakiyar kungiyar Leicester City ya na da albashin £75,000. A kudin Najeriya, albashin na sa ya haura N40m.

4. Ahmed Musa

Ahmed Musa wanda ke bugawa kungiyar Al-Nassr a Saudi Arabiya ya kan karbi £60,000 (fiye da N30m) a kwantiraginsa.

5. Kelechi Iheanacho

Kungiyar Leicester City ta na biyan tsohon ‘dan wasan gaban Manchester City watau Kelechi Iheanacho fam £60,000 (Kusan N33m) duk wata.

KU KARANTA: Hotunan motoci masu tsada da ke cikin gidan Ahmed Musa

Jerin Attijran ‘Yan wasan kwallon kafan Najeriya da kudin da su ke samu a 2020

'Dan wasa wasa Odion Ighalo Hoto: BPL
Source: Getty Images

6. Alex Iwobi

Fam £50,000 Everton ta ke biyan ‘dan wasa Alex Iwobi. Tsohon ‘dan wasan na Arsenal ya na cigaba da samun albashin kusan N27m a Ingila.

7. Moses Simon

Tauraro Moses Simon ya na cikin wadanda ke tashi da albashi masu tsoka a 2020. Albashinsa ya kusa kai N20m (€37,500) a Nantes.

8. Ola Aina

Tsohon ‘dan wasan Chelsea, Aina, ya na samun €35,500 (kimanin N17m) a kungiyar Torino.

9. Isaac Success

Duk watan Duniya kungiyar Watford ta kan biya Isaac Success fam £30,000 (kusan N16.5m).

10. Henry Onyekuru

Bayan barin Monaco zuwa Galatasaray a kasar Turkiyya, an cigaba da biyan Henry Onyekuru albashin fam €32, 500 (N16m)

Sauran Taurarin da ke wannan jeri su ne:

11. Victor Osimhen (N12.2m)

12. Kenneth Omeruo (N10m)

13. Leon Balogun (N10m)

14. Anthony Nwakaeme (N8.1m)

15. Willian Troost-Ekong (N7m)

Idan ku na da wata shawara ko bukatar bamu labari, tuntube mu a: labaranhausa@corp.legit.ng

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Source: Legit.ng

Mailfire view pixel