Soyayya ce ta jani, shi kuma saurayina ya koya mini garkuwa da mutane - Cewar Hassana

- Yan sanda a jahar Niger sun kama wata mata ‘yar shekara 32 wacce aka ambata da suna Hassana Bala kan yunkurin yin garkuwa da wani mutum dan shekara 23

- Lamarin ya afku ne a kauyen Kawo a karamar hukumar Kontagora da ke jahar ta Niger

- Hassana ta ce saurayinta ne ya koyar da ita wannan mummunan dabi'a ta garkuwa da mutane

Rundunar yan sanda a jahar Niger ta kama wata mata ‘yar shekara 32 wacce aka ambata da suna Hassana Bala kan yunkurin yin garkuwa da wani mutum dan shekara 23, Umar Sarkin Turaku na kauyen Kawo a karamar hukumar Kontagora da ke jahar.

Hassana ta tura kiran barazana zuwa ga wayar Turaki inda ta nemi ya biya fansar kudi naira miliyan biyar ko kuma ayi garkuwa da shi.

Sai dai abun ya cika da ita matar wacce ke da yara biyu, lokacin da Turaki ya kai rahoton kiran da ake masa ga yan sanda wadanda suka bi diddigi suka gano Hassana sannan suka kama ta.

Da ta ke zantawa da manema labarai a lokacin da aka gurfanar da ita a Minna, Hassana ta bayyana cewa saurayinta ne ya koyar da ita aikin garkuwa da mutane, inda ta kara da cewa rawar ganin ita take takawa shine yin barazana ga mutane a waya da kuma shirya kudin da za a ajiye yayinda sauran tawagarta ke dauko kudin.

Ta ce: “bayan na rabu da mijina, na samu aboki namiji wanda ya koyar dani wannan mummunan aiki kuma ta hakan ne na fara sana’ar garkuwa da mutane.

KU KARANTA KUMA: Innalillahi: Ana tilasta dalibai mata suna tsirara ana duba tsiraicinsu don a tabbatar da basa al'ada

“Tun bayan da na rabu da mijina rayuwata ta sauya inda ta dada tabarbarewa,” in ji ta, sannan ta nemi a yi mata afuwa.

Kakakin hukumar yan sandan jahar, Muhammad Abubakar ya bayyana cewa za a shigar da lamarin kotu bayan kammala bincike.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng