Mu na nan a kan bakarmu na tsige Hafsun Sojoji – Majalisar Wakilai
Majalisar wakilan tarayya ta ce har yanzu ta na kan matsayar ta na cewa dole shugabannin hafsun sojojin Najeriya su yi murabus, ko kuma a tsige su.
Mai magana da yawun bakin ‘Yan majalisar wakilan kasar shi ne ya kara jaddada wannan matsaya da su ke kai a cikin karshen makon nan da ya wuce.
Honarabul Benjamin Kalu ya ke cewa Majalisar ba ta lashe amanta game da matakin da ta dauka na cewa a nada wasu sababbin hafsun sojoji a Najeriya ba.
Kalu ya fadawa ‘Yan jarida: “Ku na cikin Majalisar, kun ji wani ya tashi ya bukaci a janye wannan matsaya? Matsayarmu ta na nan, ba mu lashe amanmu ba.”
Hon. Kalu ya kara da: “Kun san aikin majalisa, kun san abin da mu ke yi, Idan har an cin ma wata matsaya, kuma ana so a canza ta, akwai hanyar da ake bi.”
KU KARANTA: 'Yan sun cafke ‘Yan Ansaru da ke da hannu wajen garkuwa da mutane
Asali: UGC
“Majalisa ta dauki wannan mataki. Don haka duk matsayar da mu ka cinma, ta na nan har sai ranar da wani ya bukaci a janye wannan mataki” Inji Kalu.
Kwanakin baya, Majalisar ta tsaida magana cewa a canza shugabannin sojoji domin a kawo karshen kashe-kashen da ake fama da shi a halin yanzu.
Benjamin Kalu, wanda ya ke magana a madadin ‘Yan majalisa ya ce ka da wanda ya yi tunanin sun sauko daga matsayar da su ke kai game da harkar tsaro.
Tun a shekarar 2015, shugaba Buhari ya nada hafsun soji wanda har yau bai canza su ba duk da cewa a doka, dukkaninsu sun zarce shekarun da ake yi a aiki.
Idan ku na da wata shawara ko bukatar bamu labari, tuntube mu a: labaranhausa@corp.legit.ng
Latsa wannan domin samun sabuwar manhajar labarai ta Legit.ng Hausa a wayar ku ta hannu:
https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewa tare da mu.
Ga masu bukatar manhajar mu na Musulunci sai a bibiyi wannan shafi
https://fb.gg/play/ramadan_ramadan
Asali: Legit.ng
